Jańa jyldan bastap jergilikti «Turkovac» vaksınasy da qoldanyla bastady
Túrkıa Densaýlyq saqtaý mınıstrligi turaqty turýǵa ruqsaty joq nemese shetelden týrıs retinde kelgen azamattarǵa Pfizer/BionTech nemese qytaılyq Sinovac vaksınasyn saldyrýǵa bolatynyn aıtty, dep habarlaıdy Almaty-akshamy.kz Baq.kz-ke silteme jasap.
Vaksınanyń eki dozasynyń quny shamamen 30 dollardy quraıdy. Ekpeniń eki komponentin de alǵan azamattarǵa halyqaralyq sertıfıkat beriledi.
Negizinde Túrkıada turaqty turýǵa ruqsaty bar árbir sheteldik koronavırýsqa qarsy vaksınany tegin ala alady. Halyqtyń 84%-y vaksınanyń eki dozasyn saldyryp úlgergen.
Jańa jyldan bastap jergilikti «Turkovac» vaksınasy da qoldanyla bastady.
Sońǵy kúnderi Túrkıada koronavırýstyń «Omıkron» shtamy tez taralýda. Densaýlyq saqtaý mınıstrliginiń málimetinshe, 14 qańtarda bir táýlikte koronavırýs juqtyrǵandar sany 67 857-ge jetken. Vırýstan 167 naýqas qaıtys boldy. Al indet juqtyrýdyń alǵashqy jaǵdaıy 2020 jyldyń 11 naýryzynda tirkeldi. Resmı málimet boıynsha, túrik elinde vırýstan 82 361 adam qaıtys boldy. Aýrý juqtyrǵandar sany 9,5 mıllıonǵa jetti.