Aýyl sharýashylyǵymınıstrliginiń basshysy Aıdarbek Saparov túrki memleketteri uıymyna múshe memleketterdiń aýyl sharýashylyǵy mınıstrleriniń otyrysy aıasynda sheteldik áriptestermen jáne birqatar delegasıalarmen ekijaqty kezdesýler ótkizdi.
TMU Bas hatshysymen kezdesýde Aıdarbek Saparov uıymnyń quramyna kiretin eldermen ózara saýdany damytý boıynsha problemalyq máselelerdi jedel sheshýdiń mańyzdylyǵyna nazar aýdardy, dep habarlaıdy Almaty-akshamy.kz.
Mınıstrdiń pikirinshe, buǵan aýyl sharýashylyǵy mınıstrleriniń orynbasarlary deńgeıinde jumys tobyn qurý yqpal etetin bolady.
Túrik delegasıasymen Aıdarbek Saparov qazaqstandyq óndiristiń et ónimderin jetkizý, sondaı-aq veterınarıa jáne fıtosanıtarıa salasyndaǵy TMU elderiniń standarttaryn sáıkestendirý týraly áńgimelesti. Qazaqstandyq tarap túrik naryǵyna qol jetkizý boıynsha sheshimderge óz nusqalaryn ázirleıdi. Budan ári Aıdarbek Saparov túrkıalyq áriptesterimen ZOOM arqyly keńes ótkizedi. Sodan soń qazaqstandyq delegasıa Ankaraǵa saparmen barady.
Ózbekstan mınıstrimen Aýyl sharýashylyǵy mınıstrliginiń basshysy Qasym-Jomart Toqaevtyń 2022 jyly Tashkentke jasaǵan sapary barysynda qol qoıylǵan jol kartasy tarmaqtarynyńoryndalýyn talqylady. Sondaı-aq, taraptar Qazaqstannyń soltústik óńirlerinde aýyl sharýashylyǵy daqyldaryn birlesip ósirý jónindegi jumysty jalǵastyrýǵa kelisti. Mınıstr respýblıka aýmaǵynda astyqty tereń óńdeý boıynsha birlesken jobalardy uıymdastyrýdy nıetti ekeninjetkizdi. Ózbek tarapy shekaralas oblystarda aýyl sharýashylyǵy ónimderiniń erkin saýdasy boıynsha "Jasyl saýda aımaǵyn" qurýtýraly usynys jasady.
Qyrǵyzstannan kelgen delegasıamen kezdesýde aýyl sharýashylyǵy ónimderiniń ózara saýdasyn arttyrý máseleleri talqylandy. Aıdarbek Saparov "Azyq-túlik korporasıasy" múmkindikterin paıdalana otyryp, qazaqstandyq astyq pen undy jetkizýdi júzege asyrý týraly usynys jasady. Qazaqstandyq tarap sonymen qatar azyq-túlik taýarlarynyń birqatar túrlerin ımporttaýǵa qyzyǵýshylyq bildirdi.
Ázirbaıjannyń aýyl sharýashylyǵy mınıstrimen kelissózder barysynda Aıdarbek Saparov áriptesine qazaqstandyq astyq pen undy jetkizýdiń ońtaıly baǵyttaryn oılastyrýdy usyndy. Ázirbaıjan tarapy sýarý júıeleri men aýyl sharýashylyǵy ónimderin saqtaý boıynsha birlesken jobalardy iske asyrýǵa nıettiekenin bildirdi. Ázirbaıjan ASHM basshysy jaqyn arada qazaqstandyq zańnamany zerdeleý jáne óńirlerdegi jumystardy tanysý úshin mamandardyń jumys tobyn jibermek. Egjeı-tegjeıli zerdeleý úshin eki el de memlekettik qoldaý sharalary júzege asatyn bolady .