Qala turǵyndary merekelik kórinisterge rıza boldy.
Alyp shahar Almatyda Naýryznama aıasynda teatrlandyrylǵan kerýen júrip ótti.
Oǵan batyr, búrkitshi, aqyn jáne basqa da obrazdaǵy 1000-nan astam adam qatysty.
Sonymen qatar, qala turǵyndary men qonaqtary arbadaǵy kıiz úıdi, qyz kúımesin, qorjynǵa jibek matalar men kilemder artqan túıelerdi, at ústigdegi batyrlardy, qumaı tazylar men mergenshilerdi, jalpy jeti qazyna nyshandaryn tamashalady.
Dýmandy sharaǵa qatysqan qala turǵyndary men qonaqtary merekelik kórinisterge rıza boldy.
«Men zeınetkermin, jasym 73-te. Birinshiden barlyqtaryńyzdy Naýryz merekesimen quttyqtaǵym keledi. Qatelespesem, mundaı úlken kóshti sońǵy ret, uly Abaıdyń 150 jyldyq mereıtoıynda kórgen edim. Búgin minekeı, ekinshi ret kýá bolyp otyrmyn. Jylda osylaı, toılaı bereıik», - dedi qalamyzdyń turǵyny Marzıa Erjanqyzy.
«Kósh. Naýryz – dýman» merekelik kerýeni, Abaı dańǵylynyń boıymen, batys baǵytta Dostyq dańǵylynan Abylaı han dańǵylyna deıin, odan keıin Abylaı han dańǵylymen soltústik baǵytta Astana alańyna deıin júrip ótedi.
Osylaısha, Naýryz merekesi Almatyda bar sán-saltanatymen toılanyp jatyr.
