«Týrızm ekonomıkanyń ósýine jańasha serpin beretin sala bolýǵa tıis. Elimizdiń ár óńirinde kórikti jerler bar. Sondyqtan jeke ınvestorlardy da tarta otyryp, qajetti ınfraqurylym salý jumysyn dereý bastaý qajet».
Qasym-Jomart Toqaev Qazaqstan Respýblıkasynyń Prezıdenti
Qazaqstandaǵy týrızm salasynda atqarylyp jatqan júıeli sharalar eldegi týrısik aǵyndy arttyrýǵa yqpal etip, álemdik reıtıńtegi ornymyzdy aıtarlyqtaı jaqsartýda. Mysaly, Dúnıejúzilik ekonomıkalyq forýmnyń Saıahat pen týrızmdi damytý ındeksinde Qazaqstan 119 eldiń arasynda 52-oryndy ıelenip, 66-orynnan kóterildi.
2023 jyly Qazaqstanǵa týrısik maqsatpen 15,3 mıllıon sheteldik qonaq kelgen. Onyń 10,4 mıllıony elimizde bir kúnnen kóp ýaqytty ótkizip, sheteldik týrıser qataryna qosyldy. Ortasha alǵanda, sheteldik meımandardyń elimizde bolý ýaqyty – 4 kún.
Ulttyq bank málimetinshe, alys shetelden kelgen týrıser Qazaqstanda sapar barysynda orta eseppen 1500 AQSH dollaryn jumsaıdy. 2024 jyly sheteldik týrıser elimizde 1,2 trln teńgeden astam qarajat jumsady.
Týrızm salasyndaǵy ınvestısıalar jyl saıyn ósip keledi. 2019-2024 jyldar aralyǵynda salaǵa salynǵan negizgi kapıtal kólemi mynadaı boldy:
- 2019 j. – 502 mlrd tg
- 2020 j. – 629 mlrd tg
- 2021 j. – 593 mlrd tg
- 2022 j. – 513 mlrd tg
- 2023 j. – 787 mlrd tg
- 2024 j. – 947,5 mlrd tg
2019-2024 jyldary týrızm salasynda jalpy somasy 550 mlrd teńgege 605-den astam ınvestısıalyq joba iske asyryldy. 2024 jyly 87 ınvestısıalyq joba tabysty aıaqtaldy.
İri jobalar arasynda Shymkent qalasyndaǵy «Mahambet» qonaq úıi (4,9 mlrd teńge), Atyraý oblysyndaǵy «Keremet Park» otbasylyq parki (3 mlrd teńge), Almaty oblysyndaǵy «Aq-Jaıyq» demalys aımaǵy (1,8 mlrd teńge) erekshe atalyp ótýge turarlyq.
Qazaqstannyń týrızm salasyna ınvestısıalar tartý, ınfraqurylymdy damytý jáne kórikti jerlerdi utymdy paıdalaný arqyly bul sala ekonomıkamyzdyń mańyzdy bóligine aınalady.