Prezıdent Jetisý oblysynyń týrısik áleýetimen tanysty
Memleket basshysyna Shoqan Ýálıhanov atyndaǵy «Altynemel» memorıaldyq mýzeıinde Jetisý oblysynyń týrızm salasyn damytý úshin atqarylyp jatqan jumystar jóninde qysqasha málimet berildi, dep habarlaıdy almaty-akshamy.kz
Oblys ákiminiń orynbasary Rýstam Álıdiń aıtýynsha, týrızm salasynyń damýyna qatysty negizgi kórsetkishterde ósim baıqalady. Sońǵy úsh jylda óńirge kelgen týrıser sany eki ese artqan. Al osy saladaǵy kórsetiletin qyzmetter kólemi 16 mıllıard teńgege deıin ósti.
Atalǵan baǵyttyń damýyna tyń serpin berý úshin birqatar ınfraqurylymdyq joba júzege asyrylyp jatyr.
Atap aıtqanda, qazir Alakólge kóliktiń birneshe túrimen jetýge bolady. Byltyr Úsharal áýejaıynyń ushý-qoný jolaǵyna rekonstrýksıa jasalyp, turaqty áýe qatynasy jolǵa qoıyldy. Bıyl «Astana – Dostyq» baǵyty boıynsha «Talgo» poıyzy iske qosyldy jáne «Úsharal – Dostyq» avtojolynyń rekonstrýksıasy aıaqtaldy. Qazirgi kezde «Taldyqorǵan – Qalbataý – Óskemen» avtojolyn qaıta jóndeý, Alakól kýrorttyq aımaǵynda joǵary vóltty elektr jelilerin tartý jumystary júrgizilip jatyr.
Buǵan qosa «Balqash» týrısik-rekreasıalyq aımaǵynyń bas jospary» ázirlendi. Onyń aıasynda uzyndyǵy 16 shaqyrym bolatyn jaǵalaýǵa búdjet esebinen ınjenerlik-kommýnıkasıalyq jeli tartylyp, jalpy aýmaǵy 860 gektar jerge 7 baǵyttaǵy demalys aımaqtary ornalastyrylady. Jospar sheńberinde 30 mıllıard teńgege deıin jeke ınvestısıa tartý kózdelgen. Sonymen qatar kelesi jyly kólge aparatyn «Almaty – Óskemen – Lepsi – Aqtoǵaı» jolynyń rekonstrýksıasyn aıaqtaý josparlanyp otyr.
«Altyn-Emel», «Jońǵar Alataýy» ulttyq tabıǵı parkterinde ekologıalyq týrızmge basymdyq beriledi. Bıyl «Altynemel» vızıt-ortalyǵy ashyldy. Al «Jońǵar Alataýy» ulttyq parkiniń aýmaǵynda jalpy quny 1,7 mıllıard teńge bolatyn 8 ınvestısıalyq joba júzege asyrylmaq.
Sonymen qatar Tekeli mańaıynda shańǵy-bıatlon keshenin salý jáne Burqanbulaq sarqyramasyna deıingi joldy jóndeý jumystary josparlanǵan.
Memleket basshysy týrısik-demalys aımaqtaryna ınjenerlik-kommýnıkasıalyq jeli júrgizýmen jáne abattandyrýmen belsendi túrde aınalysyp, oblystyń týrısik áleýetin arttyrý qajet ekenin aıtty.
– Jalpy, oblysta týrısik nysandar jetkilikti. Sondyqtan onyń bárine tıisti deńgeıde mán berip, damytý kerek. Týrızm Jetisý oblysy ekonomıkasynyń basym baǵyty bolýǵa tıis. Týrıser neǵurlym kóbirek kelse, oblysqa da oń septigin tıgizedi. Oblystyń týrızm salasyndaǵy áleýeti óte zor, – dedi Prezıdent.