Almaty oblysynyń ákimi Marat Eleýsizuly Sultanǵazıevtiń tapsyrmasy boıynsha, jaqyn arada týrıserdiń súıikti orny - Kólsaı kóli abattandyrylatyn bolady.
Negizgi maqsat - týrızm ınfraqurylymyn jaqsartý, týrıserdiń týrısik-rekreasıalyq ınfraqurylym obektilerine qol jetkizýin jeńildetý, týrıserdi beıtanys jerlerde qolaıly qozǵalyspen qamtamasyz etý, dep habarlaıdy almaty-akshamy.kz.
Almaty oblysy týrızm basqarmasynyń basshysy Aıbar Temenov Kólsaı kólindegi týrıserdiń súıikti ornyna júrgizilip jatqan jumystar men ózgerister týraly málim etti.
"Kólsaı kóli - týrızmniń basqa nysandary sıaqty týrıser arasynda óte tanymal. Bul jerdi bizdiń otandastarymyz ǵana emes, sonymen qatar sulýlyǵymen kóz tartar kóldi sheteldik týrıser de jaqsy kóretinin atap ótkim keledi. Biz týrıserge yńǵaıly bolý úshin Almaty oblysynyń týrısik destınasıalarynda ınfraqurylymdy jaqsartý salasynda úlken jumys júrgizip jatyrmyz", deıdi ol.
Sondaı-aq, Aıbar Temenov erekshe qorǵalatyn tabıǵı aýmaqtarda týrısik soqpaqtardy jaılastyrý jobasynda Túrgen (Aıýly sarqyramasy), Talǵar shatqaly, "Tańbaly" murajaıy qoryǵy (Jambyl aýdany), "Tamǵaly tas" shatqalyndaǵy (Qonaev q.) petroglıfter, Kólsaı jáne Qaıyńdy kólderi, Saty shatqaly jáne "Muztaý" ystyq bulaqtary (Kegen aýdany) aýmaǵynda taýly jáne jaıaý soqpaqtardy jaılastyrý kózdelgenin atap ótti.
Barlyq jumystar 2023 jyldyń basynda týrızm salasyndaǵy bilikti mamandardy tarta otyryp, jaılastyrý elementteriniń qajettiligin (sanyn, túrlerin) aıqyndaýǵa mindetti tekserýlerdiń qorytyndysy boıynsha júrgizilip jatyr.
Jalpy taýly jáne jaıaý soqpaqtardy jaılastyrýǵa arnalǵan elementterdiń (konstrýksıalardyń) tizbesi Kólsaı kólindegi jáne Tańbaly tas shatqalyndaǵy İle ózeniniń úlesinde bar pırsterdi qaıta jańartýdy, jaıaý jáne at soqpaqtaryn bólýdi, tik kóterilýler men túsýlerdi baspaldaqtarmen jabdyqtaýdy, besedkalardy, oryndyqtardy, qoqys jáshikteri men baktardy, fotoaımaqtary bar qaraý alańdaryn ornatýdy, jol kartalary, aqparat jáne fotomaterıaldary bar aqparattyq qalqandardy, onyń ishinde erekshe qajettilikteri bar adamdardy eskere otyryp, kirý tobyn, soqpaqtar boıymen jaıaý júrginshilerge arnalǵan baǵyt belgilerin, eskertý taqtalaryn ornatý, soqpaqtardy tańbalaý, shaǵyn ózender arqyly qorshaýlary bar jaıaý júrginshiler kópirlerin, jartastardy (petroglıfterdi), pırsterdi jaryqtandyrýdy jáne jaıaý júrginshiler joldarynyń boıynda shamdar men projektorlardy ornatý, soqpaqtar boıyndaǵy taptalǵan ýchaskelerdiń florasyn kógaldandyrý jáne qalpyna keltirý, kishkentaı týrıser úshin oıyn alańdaryn uıymdastyrý, sondaı-aq, jaryqdıodty maftardy ornatý josparlanǵan.
Búgingi tańda Kólsaı kóliniń jaǵalaýyndaǵy tozǵan pırsterdi qalpyna keltirý jáne jaıaý júrginshiler jolyn jaılastyrý jumystary aıaqtalyp qaldy.
Osylaısha, Kólsaı kóli odan da tartymdy, jaıly bolady jáne kelýshilerge eń jaqsy oryn bolyp qala beredi.
Sonymen qatar, Almaty oblysynyń týrızm basqarmasy týrısik obektilerge aparatyn negizgi trassalar men joldar boıynda, sondaı-aq oblystyń 120-dan astam demalys aımaqtary ornalasqan Qapshaǵaı sý qoımasynyń jaǵalaýynda týrısik baǵyt-baǵdar (navıgasıa) júıesin (kórsetkishter, stellalar) keńeıtý boıynsha jumystar júrgizip jatyr.
Tańbaly tas, Túrgen jáne Talǵar shatqaldary, Assy ústirti, "Talhız" qalashyǵy, Kólsaı, Qaıyńdy jáne Esik kólderi, Saty shatqaly, Qara Kanon týrısik baǵyty boıynsha kórsetkishter ornatyldy. Júrgizilgen jumystardyń qorytyndysy boıynsha 42 birlik kórsetkishter men stelalar ornatyldy.
Jeńil ınfraqurylymdy damytý Qazaqstan Respýblıkasynyń týrısik salasyn damytýdyń 2023 - 2029 jyldarǵa arnalǵan tujyrymdamasyn iske asyrý sheńberinde júrgizilip jatyr.
Qabyldanyp jatqan sharalar tartymdy týrısik ortalyq retinde destınasıanyń oń ımıjin qalyptastyrýǵa múmkindik beredi. Almaty oblysynyń aýmaǵynda týrıserdiń jaıly jáne qaýipsiz bolýy jáne oń keri baılanys arqyly týrıser sanynyń artýy.