Qazaqstan qor bırjasynyń (KASE) málimetinshe, saǵat 15:30-daǵy jaǵdaı boıynsha dollardyń ortasha saralanǵan baǵamy taǵy 1,54 teńgege tómendep, 459,46 teńge boldy, dep habarlaıdy almaty-akshamy.kz.
Qytaı ıýaniniń ortasha saralanǵan baǵamy da tómendep, 64,29 teńge (-0,21) boldy.
Ulttyq bank eýro baǵamyn 499,32 teńge, rúbldi 5,03 teńge dep belgiledi.
Aqsha aıyrbastaý oryndarynda dollar 460,3-462,3 teńge, eýro 496-498,5 teńge, reseı rýbli 4,99-5,13 teńge aralyǵynda saýdalanyp jatyr.
Al álemdik munaı baǵasy 6 jeltoqsandaǵy saýdada tómendeı tústi.
Londondaǵy ICE Futures bırjasynda Brent markaly munaıdyń aqpan fúchersteriniń baǵasy 1,53%-ǵa tómendep, barreline 77 dollar boldy.
Nú-Iork taýar bırjasynda (NYMEX) elektrondy saýdada WTI markaly munaı fúchersteriniń qańtardaǵy baǵa belgilenimi 1,31%-ǵa tómendep, barreline 72,14 dollar boldy.