Jas qyz salmaq tastaý otasynan keıin qaıtys boldy.
The Sun portalynyń málimetinshe, brıtanıalyq 20 jastaǵy qyz túrkıalyq klınıkanyń ota jasaý qyzmetiniń arzan bolýyna qyzyǵyp barǵan, - dep habarlaıdy almaty-akshamy.kz.
Asqazandy kishireıtý otasy 1,2 mıllıon teńgege baǵalanǵan, al Brıtanıada bul qyzmet úshin dárigerler bes ese qun suraıtyn kórinedi. Ota jasalyp bolǵannan keıin úsh kún ótkende Morgan Marıa Rıbeıro klınıkadan shyǵýǵa ruqsat alǵan. Alaıda ushý kezinde onyń jaǵdaıy nasharlap, ushaq Belgradqa qonýǵa májbúr bolǵan.
"Stúardessa oǵan muz ben sý bergen, onyń tynysy tarylǵan. Sóıtip ekıpaj músheleri ony ushaqtyń aldyńǵy bóligine otyrǵyzǵan, onda oryndar keń bolǵan", - deıdi qyzben birge barǵan jigit.
Serbıalyq dárigerler túrkıalyq áriptesteriniń qateligin kórsetken, sonyń saldarynan ınfeksıa paıda bolǵan. Qyz bala septıkalyq shok alǵan. Ókinishke oraı dárigerler ony aman alyp qala almaǵan.
Marıa Rıbeıronyń anasy qyzynyń ota jasaý jospary týraly bilmegenin aıtady. Ol tek ushaqqa otyrǵan kezde bilgen. Endi qyzdyń otbasy máıitti Ulybrıtanıaǵa jetkizý úshin jáne jerleý rásimine qarajat jınap jatyr eken.