Áýe qorǵanysy kúshteriniń avıasıalyq parkine jańa drondar alyndy.
Tarazdaǵy áskerı bólimde ótken jattyǵýlar kezinde Anka-S ushqyshsyz ushý apparaty synaldy. Túrkıalyq mamandar áskerılerge jańa tehnıkanyń múmkindikterin tanystyryp, basqarýdy úıretýge kiristi, dep habarlaıdy almaty-akshamy.kz 24.kz-ke silteme jasap.
Anka-S aýqymdy drony Tarazdaǵy áskerı bólimde synaqtan ótip jatyr. Qorǵanys salasynyń mamandary áýe apparatyn qoldaný qoldan keletin is ekenin dáleldedi. Synqatar sátti ótti. Sóıtip, áýe qorǵanysy kúshteriniń avıasıalyq parki sý jańa drondarmen tolyqty.
Shohan Musabekov, UUA jaýyngerlik daıyndyq jáne jaýyngerlik qoldaný oqý ortalyǵynyń bastyǵy: - Bizdiń áskerı bólimimizge avıasıalyq tehnıka kelip tústi. Ol avıasıalyq tehnıka jeke quramnyń atyna bekitildi. Jeke quramnyń kásiptigi bilimdigi, halyq aldynda qoıǵan tapsyrmasyn tolyqtaı oryndaıtynyna senimdimin.
Ushý qurylǵysynyń uzyndyǵy qanatymen qosqanda 18 metr. Júktemege baılanysty ushý jyldamdyǵy saǵatyna 270 shaqyrymǵa deıin jetedi. 10 shaqyrym bıiktikke kóterilip, áýede 27 saǵatqa deıin úzdiksiz jumys isteı alady.
Madıar Májikeev, 14157 áskerı bólimi avıasıalyq eskadrılıasynyń bort komandıri: - Bizde endi «Win long» ushqyshsyz ushý apparatynda tájirıbemiz bolǵandyqtan jáne de Túrkıa elinen kelgen nusqaýshylarynda óte mol tájirıbe bolǵandyqtan oqý jattyǵý bizge ońaı júrip jatyr. Keleshekte Anka-S ushý apparatyn meńgerip, ózimizdiń jumysymyzdyń jaqsy mamany bolatynymyzǵa senemin.
Jergilikti áskerılerdi jaýyngerlik daıarlyqqa túrik aeroǵarysh ónerkásibiniń mamandary úıretip jatyr. Al óndirýshi kompanıa 2 jyl boıy servıstik qyzmet kórsetedi.