Ońtústik Koreıanyń opozısıa jetekshisi Lı Chje Mónge ońtústik-shyǵystaǵy Pýsan qalasyna sapary kezinde belgisiz bireý shabýyl jasap, jaraqattady, dep habarlaıdy almaty-akshamy.kz.
Pýsannyń tótenshe jaǵdaılar qyzmetiniń habarlaýynsha, Lı qaladaǵy jańa áýejaıdyń qurylys alańyn aralaý kezinde shabýylǵa ushyraǵan. Habarlamada negizgi opozısıalyq Demokratıalyq partıanyń basshysy Lıdiń esin jıǵanymen, onyń naqty jaǵdaıy belgisiz ekeni aıtylǵan.
Ońtústik koreıalyq BAQ kýágerlerge silteme jasap, er adam Lıdiń moınyna pyshaq suqqanyn habarlady. Teleranada kórsetilgen vıdeoda Lıdiń jerde jatqany, bireý qandy toqtatý úshin onyń moınyna oramalyn basyp jatqany kórsetiledi. Polıseıler er adamdy oqıǵa ornynda ustady. Olardyń aıtýynsha, shabýyl jasaǵan adamnyń basynda tájge uqsas nárse bolǵan.
Beınede zorlyq-zombylyq kórinisteri bar. Ol erekshe áserli adamdarǵa, balalarǵa jáne júkti áıelderge kórýge arnalmaǵan.
Buǵan deıin "Oskar" júldesin alǵan "Parazıt" fılmindegi róli arqyly tanymal ońtústikkoreıalyq 48 jastaǵy akter Lı Son Gón Seýldegi saıabaqta óli kúıinde tabylǵany belgili boldy.