Sulýlyq salony mamandarynyń jumysyna shekteý qoıyldy.
Túrikmenstan áıelderine kirpik uzartýǵa, jasandy tyrnaq ósirýge, erindi úlkeıtýge tyıym salyndy. Tyıymdy buzǵandar men salon ıeleri aıyppul arqalaýy nemese 15 táýlikke qamalýy múmkin, dep habarlady Almaty-akshamy.kz Turkystan.kz cilteme jasap.
Sulýlyq salondarynyń tutynýshylary zańdy buzǵany úshin 300-500 manat (38 000 – 64 000 teńge) kóleminde aıyppul tóleıdi. Al sheberler kórsetken qyzmeti úshin tipti 15 táýlikke qamaýǵa alynady.
Salon qyzmetkerleri mundaı tyıymdar salynǵan jaǵdaıda, qalypty jumys istep, nápaqa taba almaımyz dep shaǵymdanýda.
«Serdar Berdimuhamedov prezıdenttikke kirisýimen karantındik shekteýlerdi alyp tastaı bastaǵannan keıin biz jumysqa endi ǵana oraldyq. Biraq jumysymyz taǵy da shekteldi. Al endi nege biz de bazarǵa baryp qaıyr suraýymyz kerek? Osylaısha biz karantın kezinde qaryzǵa battyq, olardy óteýge áli úlgermedik. Endi jumys isteımiz be degende, mynadaı shekteýler qoıylyp jatyr», – deıdi sulýlyq salonynyń qyzmetkerleri.