Almatyda T.Abrashev atyndaǵy QR memlekettik akademıalyq sımfonıalyq orkestriniń konserti ótti. Konsertte orkestrge túrkıalyq Oğuzhan Balcı dırıjerlik etti, dep habarlaıdy Almaty-akshamy.kz
Aıta keteıik, bul kesh Túrkıa Respýblıkasynyń 100 jyldyǵyna oraılastyryldy.
Klasıkalyq mýzyka konsertin zıaly qaýym ókilderi men Túrkıa Respýblıkasynyń Almaty qalasyndaǵy Bas konsýly Alı Ryza Akynjy da tamashalady.
«2023 jyly sonymen qatar uly aqyn, halqynyń súıiktisi jane dana tulǵa Ashyq Veıseldiń qaıtys bolǵanyna 50 jyl tolyp otyr. Respýblıkamyz qurylǵan kúnnen beri elde tynyshtyq, álemde tynyshtyq qaǵıdasyn ustanyp kele jatyr. Túrkıa álemde áıelderge saılaý jane saılaný quqyǵyn bergen alǵashky eldiń birine jatady. 1930-shy jyldarda Nasıstık basqynshylyqtan qutylǵysy kelgen Evreı ǵalymdaryna esigin aıqara ashqan kórgendigi de bar. Respýblıkamyzdyń negizin qalaýshy Atatúrik jáne osy elge eńbegi sińgenderdiń barlyǵyn meıirimmen jáne alǵyspen eske alamyz», - dedi Alı Ryza Akynjy.
Esterińizge sala keteıik, Mustafa Kemal Atatúrik negizin qalaǵan Túrkıa Respýblıkasyna bıyl - 100 jyl. Elimiz táýelsizdigin alǵanda eń birinshi bolyp ony túrik baýyrlarymyz moıyndaǵany jıi aıtylady. Eki el arasyndaǵy dıplomatıalyq qarym-qatynas 1992 jyly 2 naýryzda, ıaǵnı Qazaqstan 1991 jyly 16 jeltoqsanda óz táýelsizdigin resmı túrde jarıalaǵannan keıin shamamen úsh aı ótken soń ornatyldy.
Kesh sońynda qala ákiminiń atynan yqylas gúli tabystaldy.