Osyndaı ataýmen Almaty qalasynyń aýmaǵynda 15-31 mamyr aralyǵynda jedel aldyn alý is-sharasy ótkizilip jatyr.
Naýqan balalardyń jol-kólik jaraqatynyń aldyn alýǵa, júrgizýshilerdiń nazaryn joldaǵy balalarǵa aýdarýǵa, jas jaıaý júrginshilerdi jolda júrý erejelerin saqtaýǵa úıretýge baǵyttalǵan, dep habarlaıdy Almaty-akshamy.kz
«Osy is-shara aıasynda bizdiń bólimsheniń qyzmetkerleri qalanyń jalpy bilim beretin mektepteriniń oqýshylary arasynda sabaq ótkizip, balalardyń jol qozǵalysy erejelerin bilýin tekserdi. Inspektorlar mekteptiń kishkentaı oqýshylaryna jaıaý júrginshiler ótkelinde jáne baǵdarsham bolǵan kezde joldy qalaı kesip ótý kerektigin tájirıbe júzinde kórsetti, sonymen qatar, qoǵamdyq kólikte qaýipsiz júrip-turý erejelerin aıtty. Bul jumysqa júrgizýshiler tartyldy: olarǵa balalar jol qozǵalysy erejelerin saqtaý qajettigi týraly taqyryptyq jadynamalar berdi», – dedi Almaty qalalyq PD JPQB mamandandyrylǵan batalónynyń komandıri Jánibek Óskembaev.
Polıseıler “Nazar aýdaryńyz! Balalar!” JAAİSH maqsaty – joldardaǵy qaýipsizdik, jolda júrý erejelerin saqtaý jáne balalardyń jol-kólik jaraqatynyń aldyn alý ekendigin atap ótti.