Qazaqstanda turǵyn úıdi ıpoteka arqyly alý úrdisi sońǵy ýaqytta aıtarlyqtaı ósken. Ulttyq bank málimetterine sáıkes, ótken jyly Qazaqstan azamattary baspana alý úshin qarjy uıymdarynan jalpy 6 trıllıon teńge kóleminde qaryz alǵan. Bul kórsetkish ótken jylmen salystyrǵanda 13,5 paıyzǵa artqanyn kórsetedi. Iaǵnı, el turǵyndary ıpotekalyq nesıege kóbirek júginip, baspana alý úshin qaryz alyp jatyr, dep habarlaıdy aqshamnews.kz
Elordalyqtar ıpoteka boıynsha eń kóp qaryz alǵandar qatarynda. Olardyń bank aldyndaǵy jalpy bereshegi 2 trıllıon teńgege jýyqtaıdy. Bul kórsetkish Almaty men Shymkent sıaqty iri qalalarmen salystyrǵanda joǵary. Astana turǵyndarynyń ıpotekaǵa suranysynyń artqanyn kórsetetin negizgi faktor — elordadaǵy turǵyn úı naryǵynyń belsendiligi men jańa páterlerdiń kóptep salynýy.
Almaty qalasy da ıpoteka boıynsha belsendi aımaqtardyń biri bolyp qala beredi. Munda turǵyndar turǵyn úıdi satyp alý úshin ıpotekalyq qaryzdy kóptep alý ústinde. Shymkent qalasy men Qaraǵandy, Aqtóbe oblystarynda da ıpotekalyq qaryz alý kórsetkishteri aıtarlyqtaı ósken. Bul aımaqtarda turǵyndar jańa úı alý úshin bankterden nesıeler alyp, óz baspanaly bolyp qalýǵa umtylyp jatyr.
Alaıda, barlyq aımaqtarda ıpotekaǵa degen suranys birdeı emes. Mysaly, Ulytaý men Jetisý oblystarynda kerisinshe, úıdi nesıege alatyndardyń úlesi azaıǵan. Bul, múmkin, óńirlerdegi turǵyn úı naryǵynyń tómendeýine nemese basqa áleýmettik-ekonomıkalyq faktorlarǵa baılanysty bolýy múmkin.
Mundaı qarqynmen ıpotekalyq qaryz alýshylar sany aldaǵy ýaqytta da óse beretini sózsiz. Eldiń ártúrli óńirlerinde turǵyn úı máselesine qatysty túrli ekonomıkalyq jaǵdaılar men qajettilikter aıqyn kórinis tabýda. Bul ıpotekaǵa degen suranystyń artýy men turǵyn úı naryǵynyń damýyna áser etýde.