Qazaqstanda keıingi 6 jylda qansha úı boı kóterip, baspana paıdalanýǵa berildi? Óńirlik kórsetkish qandaı? Aqshamnews.kz bul suraqtardyń jaýabyn bilý úshin Ónerkásip jáne qurylys mınıstrligine arnaıy saýal joldady.
Mınıstrlik málimetinshe, 2019-2024 jyldary elimizde turǵyn úı qurylysy turaqty ósim kórsetip, barlyǵy 97,9 mln sharshy metr nemese 871,4 myń páter el ıgiligine tapsyryldy. Bul kezeńde memlekettik baǵdarlamalar aıasynda áleýmettik osal toptar, jastar jáne kredıttik turǵyn úıge muqtaj otbasylar baspanamen qamtyldy. Sonymen qatar, turǵyn úı qurylysyna tartylǵan ınvestısıa kólemi 15,4 trln teńgeden asqan.
Turǵyn úı qurylysynyń jalpy kórsetkishteri:
Keıingi alty jyl ishinde paıdalanýǵa berilgen turǵyn úı kólemi jyl saıyn oń kórsetkish kórsetip keledi:
-
2019 jyl – 13,1 mln sh.m. (115,3 myń páter);
-
2020 jyl – 15,3 mln sh.m. (139,1 myń páter);
-
2021 jyl – 16,9 mln sh.m. (149,5 myń páter);
-
2022 jyl – 15,7 mln sh.m. (133,2 myń páter);
-
2023 jyl – 17,8 mln sh.m. (160,4 myń páter);
-
2024 jyl – 19,1 mln sh.m. (173,9 myń páter) berilgen.
Memlekettik baǵdarlamalar aıasynda qansha turǵyn úı̆ tapsyryldy?
1. Áleýmettik jalǵa beriletin úıler:
2019-2024 jyldary 77 357 páter salynyp, satyp alyndy. Onyń ishinde jumys isteıtin jastar úshin – 12 536 páter.
- 2019 jyl – 14 428 páter,
- 2020 jyl – 9 534 páter,
- 2021 jyl – 12 159 páter,
- 2022 jyl – 6 534 páter,
- 2023 jyl – 13 657 páter,
- 2024 jyl – 21 045 páter.
2. Kredıttik turǵyn úıler:
78 031 páter salyndy.
3. Jeńildetilgen ıpotekalyq baǵdarlamalar:
Otbasy bank arqyly 2% mólsherlememen – 22 022 qaryz, 5% mólsherlememen – 58 450 qaryz berildi.
4. Jeke turǵyn úı qurylysyna jer:
183,4 myń jer ýchaskesi ınfraqurylymmen qamtamasyz etildi.
Óńirlik kórsetkishter
Respýblıka kóleminde eń joǵary qurylys kólemi
- Astana (15,15 mln sh.m., 162 myń páter)
- Shymkentte (12,96 mln sh.m., 146,3 myń páter) tirkeldi.
- Almaty qalasynda – 10,66 mln sh.m. (98,6 myń páter),
- Mańǵystaý oblysynda – 5,15 mln sh.m. (37,1 myń páter),
- Atyraý oblysynda – 5,0 mln sh.m. (37,3 myń páter) paıdalanýǵa berildi.
Keıbir oblystarda jyldar aralyǵynda aıtarlyqtaı ósim baıqaldy. Máselen, Soltústik Qazaqstan oblysynda 2022 jyldan keıingi úsh jylda jyldyq kórsetkish birneshe ese artqan.
Investısıalar
2019-2024 jyldary turǵyn úı qurylysyna salynǵan ınvestısıa kólemi 15,4 trln teńge boldy.
Jyldar boıynsha bólinis:
-
2019 – 1 475,5 mlrd tg
-
2020 – 1 989,3 mlrd tg
-
2021 – 2 434,3 mlrd tg
-
2022 – 2 902,2 mlrd tg
-
2023 – 3 067,2 mlrd tg
-
2024 – 3 542,4 mlrd tg
Qazir qansha qurylys kompanıasy tirkelgen?
Mınıstrlikte tirkelgen kompanıalar sanyna qatysty málimetter joq. Degenmen, "e-license" portalynyń derekterine sáı̆kes, qazirgi ýaqytta qurylys-montaj jumystaryn júrgizýge berilgen qoldanystaǵy lısenzıalardyń sany:
-
1-sanat – 4 337 lısenzıa;
-
2-sanat – 13 731 lısenzıa;
-
3-sanat – 39 232 lısenzıa berilgen.
Bes jyldaǵy ózgerister
2025 jyly ekonomıkalyq ósimdi qoldaý maqsatynda 19,2 mln sharshy metr turǵyn úıdi (170 myńnan astam páter) paıdalanýǵa berý josparlanyp otyr.