Tanymal fýtbolshy, Saýd Arabıasynyń "Al-Nasr" klýbynyń shabýylshysy Krıshtıaný Ronaldý súıiktisi Djordjına Rodrıgeske úılený týraly usynys jasady, - dep habarlaıdy Aqshamnews.kz tilshisi.
31 jastaǵy model áleýmettik jelide iri brıllıant ornatylǵan júziginiń sýretin jarıalady.
"Kelisemin. Bul ómirimde de, basqa barlyq ómirimde de", - dep jazdy Djordjına sýrette.
Instagram/@georginoagio
40 jastaǵy Ronaldý men ıspanıalyq model toǵyz jyldan beri birge. Erli-zaıypty bes balany tárbıelep otyr, olardyń ekeýi - ortaq bala.
Fýtbolshy toı týraly ázirge resmı pikir bildirgen joq.
Krıshtıaný Ronaldý 2023 jylǵy qańtardan beri Saýd Arabıasynyń "Al-Nasr" kásibı fýtbol klýbynda oınap keledi. Buǵan deıin ol "Manchester Iýnaıted", "Real Madrıd" jáne "Iýventýs" sapynda óner kórsetti. Sportshy 2008, 2013, 2014, 2016 jáne 2017 jyldary "Altyn dop" júldesin bes ret ıelengen.