Almaty qalasy Túrksib aýdanynyń Aspan parkinde aǵashtar otyrǵyzý boıynsha sımvolıkalyq máni bar is-shara aıasynda V TURAQTY JOL Ulttyq áleýmettik ekonaýqany iske qosyldy.
Almaty qalasynyń kóptegen turǵyndaryn jumyldyratyn is-sharanyń maqsaty – turaqty damýdy ilgeriletýge járdemdesý jáne jas urpaq arasynda ekologıalyq sanany arttyrý arqyly týǵan ólkeni taza ustaý jáne qorshaǵan ortaǵa paıda ákelý.
Turaqty jol – mádenı-adamgershilik jáne ekologıalyq qundylyqtardy boıyna sińirý arqyly óskeleń urpaqty týǵan jerge uqypty qaraýǵa baǵyttaıtyn bastama.
Almaty qalasy Túrksib aýdanynyń ákimdigimen birlesip uıymdastyrylǵan is-shara aıasynda 100-ge jýyq aǵash kóshetteri otyrǵyzyldy.
Atalmysh ekonaýqan aıasynda Respýblıkalyq ekologıalyq ıdeıalar men jobalardyń festıvali bastalǵanyn aıta ketý kerek. Oǵan 16 men 35 jas aralyǵyndaǵy jas ekologıalyq belsendiler shaqyryldy.
«Turaqty jol jobasy ekologıalyq taza ortany qurýǵa jáne ony bolashaq urpaq úshin saqtaýǵa baǵyttalǵan biregeı bastama bolyp sanalady. Osy ekonaýqan arqyly óskeleń urpaqtyń jadyna ekosanany sińirgimiz keledi», – deıdi uıymdastyrýshy Aısana Mıram.