Erbolat Dosaev Arbattaǵy shýǵa qatysty máseleniń qalaı sheshiletinin aıtyp berdi
Búgin Almaty ákimi Erbolat Dosaev Almaly aýdany turǵyndarymen kezdesti. Kezdesý barysynda turǵyndar qala basshysyna suraqtaryn joldady, dep habarlaıdy Almaty-akshamy.kz.
Almaly aýdany turǵynynyń suraǵy: Men Arbattyń janynda turamyn jáne bizdiń saýalymyzdyń oryndalǵany úshin ákimdikke alǵys aıtqym keledi. Bizdi Arbattaǵy qaýipsizdik, únemi skýterler, motorolerler, olardyń, jyldamdyǵy qatty alańdatatyn. Qazir bulardyń barlyǵyna tyıym salý belgilerin qoıdy, munda júrý qaýipsiz boldy, adamdar serýendep, óte rıza. Biz Arbattyń qalanyń óte ádemi bóligine aınalǵanyn qalaımyz – Panfılov kóshesinde mýzykanttar oınaı alatyndaı oryn bólýdi suraımyz, óıtkeni olar túni boıy terezelerimizdiń astynda bılep, án aıtady.
Almaty ákimi Erbolat Dosaevtyń jaýaby: Meniń oıymsha, bul bizdiń halqymyzdyń mádenıeti. Keshki 11-ge deıin án aıtýǵa jáne bıleýge ruqsat etiledi. Túngi 11 den keıingi másele zańmen sheshiledi. Eger biz Panfılovtyń bir jerinde oryn bóletin bolsaq, onda basqa adamdardyń páterleri bar emes pe. Eger biz oryn beretin bolsaq, ekinshi jerde másele týyndaıdy. Sondyqtan, kerisinshe, biz ne isteý kerektigin retteýge tyrysamyz jáne mýzykanttarymyzdy, bıshilerimizdi jáne t.b. qoldaımyz, biraq zań aıasynda. Qazir biz jastarǵa arnalǵan jańa shyǵarmashylyq ortalyqtar qurý boıynsha jumys istep jatyrmyz, onda óz talanttaryn kórsetýge múmkindik bolady.