Qazaqstan Respýblıkasyndaǵy mereke kúnderiniń tizbesine ózgerister engizetin Úkimet qaýlysynyń jobasy daıyndaldy.
Bul rette, mereke kúnderiniń tizbesi jańa tarmaqpen tolyqtyrylady:
44-1. Qazaqstan Respýblıkasynyń Tuńǵysh Prezıdenti kúni - 1 jeltoqsan.
Endi bul kún Memlekettik rámizder kúni, Alǵys aıtý kúni jáne joǵary áleýmettik mańyzy bar ózge de kúnder sıaqty atap ótiledi. Jańa qaýlyǵa sáıkes, bul kún demalys bolyp eseptelmeıdi, dep habarlaıdy Almaty-akshamy.kz.
Buǵan deıin Qazaqstan Respýblıkasynyń Tuńǵysh Prezıdenti kúni memlekettik mereke mártebesine ıe bolǵan.
Qujat 3 qarashaǵa deıin ashyq talqylaý úshin Ashyq NQA saıtyna ornalastyrylǵan.
Eske sala ketsek, 2022 jylǵy 28 qyrkúıekte Memleket basshysy Qasym-Jomart Toqaev 25 qazan – Respýblıka kúnin memlekettik merekeler qataryna qaıtarýdy kózdeıtin zańǵa qol qoıdy. Sonymen qatar 1 jeltoqsanda atap ótiletin Tuńǵysh Prezıdent kúni memlekettik merekeler tiziminen alyndy.