Juqtyrý kórsetkishi 30 prosentten asyp ketse, balalar onlaın formatqa aýystyrylady.
Densaýlyq saqtaý mınıstrliginiń sanıtarıalyq-epıdemıologıalyq baqylaý komıteti tumaýǵa baılanysty mektep oqýshylaryn onlaın formatqa aýystyrý tártibin túsindirdi, dep habarlaıdy Almaty-akshamy.kz
Juqpaly aýrýlardy epıdemıologıalyq qadaǵalaý basqarmasynyń basshysy Roza Qojapovanyń aıtýynsha, bir synypta oqýshylardyń 30 prosenti jáne odan kóp bala respıratorlyq vırýstyq ınfeksıamen nemese tumaýmen aýyryp qalsa, barlyǵyn onlaın formatqa aýystyrýǵa bolady.
«Bas memlekettik sanıtarlyq dárigerdiń talaptaryna sáıkes, bir ınkýbasıalyq kezeńde synypta balalardyń 20-30 prosenti jiti respıratorlyq vırýstyq ınfeksıamen aýyryp qalsa, kabınettik bilim berýden bas tartýǵa keńes beriledi», - dedi Qojapova.
Onyń aıtýynsha, synypqa jańa oqýshylardy qabyldamaǵan durys. Al tumaýdy juqtyrý kórsetkishi 30 prosentten asyp ketse, balalar onlaın oqytý formatyna aýystyrylady.
Resmı málimetke sáıkes, Qazaqstanda 764 247 adam vırýstyq ınfeksıa juqtyrǵan. Olardyń arasynda tumaý juqtyrǵandar da az emes.