Almatylyq mamandar JRVI men tumaýdyń syrqattanýshylyq jaǵdaıy týraly aıtty
Aınalymdaǵy tumaý vırýstarynyń arasynda A / H3N2 basym. Bul týraly Almaty qalasynyń Óńirlik komýnıkasıalar qyzmetiniń onlaın brıfıńi barysynda Almaty qalasynyń sanıtarlyq-epıdemıologıalyq baqylaý departamentiniń ókilderi habarlady.
Almaty qalasynda jiti respıratorlyq vırýstyq ınfeksıalarmen (JRVI) syrqattanýshylyqtyń baqylaý deńgeıinen aspaıtyn maýsymdyq ósýi baıqalady.
Ótken 5 aptada JRVI - niń 19525 jaǵdaıy tirkeldi, 100 myń turǵynǵa shaqqandaǵy syrqattanýshylyq kórsetkishi-875,72 qurady, bul ótken jyldyń uqsas kezeńiniń kórsetkishi deńgeıinde (19485 jaǵdaı) jáne aldyńǵy aptanyń kórsetkishinen 34,7% - ǵa tómen(29921 jaǵdaı).
Qalada tumaý vırýstarynyń A / H3N2 túri taralýda. Aǵymdaǵy jyldyń epıdemıologıalyq maýsymnyń qarasha aıynyń bastap zerthanalyq rastalǵan tumaýdyń 232 jaǵdaıy tirkeldi, naýqastarǵa em taǵaıyndalǵan, jaǵdaılary qanaǵattanarlyq.
Qalada jiti respıratorlyq vırýstyq ınfeksıalardyń basqa vırýstary:rınovırýs, bokavırýs, RS vırýs,adenovırýs, paragrıpp, maýsymdyq koronavırýs aınalymda júr.
Tumaýdyń aldyn alý maqsatynda epıdemıaǵa deıingi maýsymda tumaýǵa qarsy barlyǵy 257 495 adam vaksınasıalandy, bul qalanyń jalpy halqynyń 11,5% - na qurady, onyń ishinde jergilikti búdjet qarajatyna «Grıppol plús» vaksınasymen «táýekel tobyndaǵy» 250000 adam (medısına qyzmetkerlerin, medısınalyq uıymdarda medısınalyq baqylaýǵa jatatyn balalardy, alty aıdan asqan kóp aýyratyn balalardy, jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdary, sábıler úıleri balalaryn, júrek-qantamyrlyq júıesiniń jáne tynys alý músheleriniń sozylmaly aýrýlary bar adamdar, jáne epıdemıologıalyq kórsetimderi boıynsha medısınalyq-áleýmettik mekemelerdiń (uıymdardyń) qyzmet alýshylar, júktiliktiń 2-shi nemese 3-shi trımestrinde júkti áıelder), aqyly negizde jumys berýshilerdiń qarajatyna 6202 adam jáne óz qarajatyna 1293 adam egildi.
Aýyrǵan balalardyń úles salmaǵy 59,2% quraıdy.
Brıfıńke Almaty qalasy Qoǵamdyq densaýlyq saqtaý basqarmasy basshysynyń orynbasary Nazgúl Imanǵalıeva da qatysty, ol qalanyń medısınalyq uıymdarynda JRVI dıagnozymen ambýlatorıalyq emdelýde 14 jasqa deıingi balalar - 11 552, 15-17 jastaǵy jasóspirimder – 2 011, eresekter - 5 962, onyń ishinde júkti 330 adam bar ekenin habarlady.
Spıker jýrnalıserdiń vaksınasıadan keıin tumaýmen aýyrý múmkin be degen suraǵyna jaýap berdi.
«Vaksınasıadan keıin patologıanyń aýyr aǵymynyń yqtımaldyǵy aıtarlyqtaı tómendeıtinin túsiný mańyzdy. Ol is júzinde nólge umtylady. Adam vaksınasıadan keıin aýyryp qalsa da, aýyr asqynýlarǵa tap bolmaıdy»,- dedi Almaty qalasy sanıtarlyq-epıdemıologıalyq baqylaý departamentiniń basshysy Qasymhan Alpysbaıuly.
Tumaý aýrýynyń aldyn alýdyń eń tıimdi ádisi-vaksınasıa.
«Qala boıynsha tumaý, JRVI jáne koronavırýs aýrýlarynyń monıtorıńi jalǵasýda, epıdemıologıalyq jaǵdaı baqylaýda», - dep tolyqtyrdy Departamentte.
JRVI, tumaýmen syrqattanýshylyq kúsheıgen kezeńinde epıdemıologtar halyqqa aldyn alý sharalaryn saqtaýdy usynady:
- dárigerdiń taǵaıyndaýymen ımmýndaý júıesin kóterý: S dárýmenin, oksolın jaqpa maıyn qoldaný;
- jappaı is-sharalar ótetin oryndarǵa barýdy qysqartý, bólmelerde ylǵaldy jınaý júrgizip, jeldetý, JRVI-men naýqastanǵandarmen qarym-qatynasta bolmaýǵa tyrysý, qarym-qatynasta bolǵan jaǵdaıda betperde kıip, jeke gıgıena erejelerin saqtaý qajet;
- aýyrǵan jaǵdaıda úıde bolý kerek, óz betinshe em qabyldamaı, medısına qyzmetkerin shaqyrý kerek, túshkirý jáne jótelý kezinde aýyzdy qolmen, maılyqpen, oramalmen jaýyp, qoldy múmkindiginshe jıi jýý qajet;
- naýqas balalardy mektepterge, mektepke deıingi balalar mekemelerine, mádenı-buqaralyq is-sharalar ótkiziletin oryndarǵa jibermeý.