Almatyda koronavırýs ınfeksıasy boıynsha epıdemıologıalyq jaǵdaı turaqty. Jyl basynan beri qalada koronavırýstyq ınfeksıanyń zerthanalyq rastalǵan 217 jaǵdaıy tirkeldi, onyń 14% 14 jasqa deıingi balalar. Bul týraly Óńirlik komýnıkasıalar qyzmetinde ótken brıfıńte Almaty qalasy sanıtarlyq-epıdemıologıalyq baqylaý Departamentiniń basshysy, qalanyń Bas memlekettik sanıtarlyq dárigeri Qasymhan Alpysbaıuly habarlady.
«Sońǵy 7 kúnde aýrýdy juqtyrǵandar sany 1,5%-ǵa ósti. Aldyńǵy 7 kúnde 29 jaǵdaıǵa qarsy 42 ınfeksıa jaǵdaıy tirkeldi», - dedi Q. Alpysbaıuly.
Epıdemıologtar ınfeksıanyń aldyn alýda vaksınasıanyń mańyzdylyǵyn atap ótedi. Maman koronavırýstyq ınfeksıadan qorǵanýdyń jalǵyz ádisi - vaksınasıa ekenin eske saldy.
«Koronavırýstyq ınfeksıany juqtyrýdyń aldyn alý úshin qorǵanys maskalaryn qoldaný jáne adam kóp jınalatyn jerlerge barýdan jáne temperatýrasy joǵary naýqastarmen baılanysta bolýdan bas tartý usynylady. Aýrýdyń aldyn alý úshin úı-jaılardy únemi jeldetip otyrý, dymqyl tazalaý, sondaı-aq jeke gıgıena erejelerin saqtaý usynylady», - dep bólisti Q. Alpysbaıuly.
Departament málimetinshe, jyl basynan beri tirkelgen 217 jaǵdaıdyń ishinen anyqtalǵany:
* ózdiginen qaralǵandar – 190 jaǵdaı;
* profılaktıkalyq maqsatta – 17 jaǵdaı;
* epıdemıologıalyq kórsetkishter boıynsha – 10 jaǵdaı.
Jyl basynan beri COVID-19 ınfeksıasyn juqtyrǵan adamdardyń jas quramy boıynsha:
* 1 jasqa deıingi balalar – 21 jaǵdaı ;
* 14 jasqa deıin – 30 jaǵdaı;
* 15-19 jas aralyǵyndaǵy jasóspirimder arasynda – 8 jaǵdaı;
* 20-39 jas aralyǵyndaǵy azamattar – 76 jaǵdaı;
* 40-59 jas aralyǵyndaǵy azamattar – 34 jaǵdaı;
* 60 jas jáne odan joǵary – 69 jaǵdaı tirkeldi.