Qazaqstannyń on oblysynda, sondaı-aq elimizdiń eki megapolısinde senbi, 16 qyrkúıekte daýyldy eskertý jarıalandy, dep habarlaıdy «Qazgıdromet» RMK
Astanada túnde jáne tańerteń tuman túsedi.
Aqmola oblysynyń ońtústigi men shyǵysynda túnde jáne tańerteń tuman túsedi. Túnde oblystyń soltústik-shyǵysynda topyraq betinde 1 gradýs aıaz bolady.
Qostanaı oblysynyń batysynda tańerteń jáne kúndiz naızaǵaı oınaıdy. Oblystyń soltústiginde tuman túsedi.
Pavlodar oblysynyń ońtústigi men shyǵysynda naızaǵaı oınaıdy. Túnde oblystyń soltústiginde tuman túsedi. Soltústikten jel soǵady.
Batys Qazaqstan oblysynyń soltústigi men shyǵysynda naızaǵaı oınaıdy. Soltústikte jáne oblys ortalyǵynda túnde jáne tańerteń tuman túsedi.
Mańǵystaý oblysynyń soltústik-batysynda jáne soltústiginde naızaǵaı oınaıdy.
Atyraý oblysynyń soltústiginde, ońtústiginde jáne shyǵysynda naızaǵaı kútiledi. Túnde jáne tańerteń oblystyń batysynda, ońtústiginde jáne soltústiginde tuman túsedi.
Kúndiz Aqtóbe oblysynyń batysynda jáne soltústiginde naızaǵaı oınaıdy. Jel ońtústik-batystan ońtústik-shyǵysqa burylyp, soǵady, ekpini - 15-20 m/s.
Qaraǵandy oblysynyń soltústiginde kúndiz naızaǵaı oınap, burshaq jaýýy múmkin. Soltústikte, oblys ortalyǵynda tuman túsedi. Túnde oblystyń soltústiginde topyraq betinde 1 gradýs aıaz kútiledi. Oblystyń ońtústiginde joǵary órt qaýpi saqtalady.
Ulytaý oblysynyń soltústiginde túnde jáne tańerteń tuman kútiledi, oblystyń ońtústiginde óte joǵary órt qaýpi bar.
Túrkistan oblysynyń taý asýlarynda kúndiz soltústik-shyǵystan 15-20 m/s jel soǵady. Oblystyń basym bóliginde joǵary órt qaýpi saqtalady.
Shymkentte joǵary órt qaýpi saqtalady.