Qazaqstan Respýblıkasynyń táýelsizdigi – bul tek memleketimizdiń saıası jáne ekonomıkalyq derbestigi ǵana emes, sonymen qatar halqymyzdyń rýhanı tirshiligi, mádenıeti men baı tarıhı tájirıbesiniń kórinisi.
1991 jyl, 16 jeltoqsan – árbir qazaqtyń júreginde tereń mánge ıe. Bul kún – elimizdiń bolashaǵynyń negizi qalanǵan, erkindikke umtylǵan táýelsiz halyqtyń tarıhyndaǵy jańa beles.
Táýelsizdik alǵan jyldar – halqymyz úshin zor ózgerister men jańalyqtar kezeńi. Qıynshylyqtarǵa qaramastan, táýelsiz memleket bolý úshin halyq birigip, yntymaqtastyq kórsetti. Degenmen, táýelsizdikke jetý tek saıası aspektimen shektelmeıdi, ol – bizdiń ulttyq bolmysymyzdy, mádenıetimizdi, tilimizdi, dinimizdi, salt-dástúrimizdi saqtap dáripteýdi odan ári jetildirý. Týǵan jerimizdiń topyraǵynda ata-baba dástúrimen kele jatqan qundylyqtardy nasıhattaý arqyly biz ózimizdiń tabıǵı ereksheligimizdi saqtap qalamyz.
Demek, osyndaı ortada tárbıelengen óskeleń urpaq - ótken tarıhyn bilip, ony qurmettep, bolashaqta da elimizdi damyta alatyn azamat retinde qalyptasady.
Búginde elimizdiń jetken jetistikteri álemge tanylyp, sport, ǵylym, bilim, mádenıet salasynda halyqaralyq deńgeıge jetti. Atap aıtsaq, bizde ótkizilgen EKSPO-2017 sıaqty iri sharalar Qazaqstannyń álemdik qaýymdastyqta alatyn ornyn nyǵaıtýǵa zor úles qosty.
Sonymen qatar, elimizdiń geosaıası jaǵdaıynyń turaqtylyǵy men ishki damýy da halyqtyń damý deńgeıin kórsetip otyr. Alaıda, táýelsizdiktiń qundylyǵy – bul tek jetistikterde emes, sondaı-aq qıyndyqtardy jeńe bilýimizde. Synaqtar men tosqaýyldar, ekonomıkalyq daǵdarystar bizge sabaq boldy, jigerimizdi janydy, jáne de halyqty myqty da bekem bolýǵa, kez kelgen qıyndyqty birge jeńip, ortaq maqsattarǵa birge umtylýǵa úıretti.
Táýelsizdikke 33 jyl! Bul – halqymyzdyń rýhy, óz-ózin taný joly. Munyń máni – ańsaǵan armandarǵa jetkizetin jalyndy jol.
Endigi mindetimiz – táýelsizdikti qorǵaý, nyǵaıtý, jastarǵa ony qadirleýdi úıretý, óz elimizdiń tarıhynda iz qaldyryp, jas urpaqqa jaqsy dástúrler men tájirıbeler qaldyrý.
Erkindik pen jaýapkershilik – birge júretin uǵymdar.
Sondyqtan, Táýelsizdik kúni – bul qýanysh, maqtanysh, ári jaýapkershilik. Bul kúni árbir azamattyń júreginde elimizge degen súıispenshilik, óz halqymyzǵa degen qurmet, jáne erteńgi kúnge degen senim basym bolady.
Iaǵnı, Táýelsizdikti saqtap, birlikti nyǵaıtýǵa baǵyttalǵan jańa bastamalardy júzege asyrýda tabandylyq tanytyp, ony urpaqtan urpaqqa amanattap otyrsaq, elimiz damyǵan, tuǵyry berik, qýatty elge aınalady.