Álıhan Smaıylov ArcelorMittal basshylyǵynan túbegeıli sharalar qabyldaýdy talap etti
QR Premer-Mınıstri Álıhan Smaıylov ArcelorMittal kompanıasynyń TMD boıynsha vıse-prezıdenti Vıdjaı Goıalmen jáne «ArselorMıttal Temirtaý» AQ bas dırektory Bıdjý Naırmen kezdesti, dep habarlaıdy Almaty-akshamy.kz Úkimettiń resmı saıtyna silteme jasap.
Álıhan Smaıylov kásiporyn basshylyǵynyń nazaryn jumyskerlerdiń ólimi men jaraqattanýyna ákep soqtyryp jatqan ónerkásiptik qaýipsizdikti qamtamasyz etý salasyndaǵy eleýli kemshilikterge aýdardy. Sondaı-aq kombınattyń ekologıaǵa keltiretin zardaby týraly jáne óndiristi jańǵyrtýǵa baǵyttalatyn ınvestısıalar kóleminiń jetkiliksiz ekenin aıtty.
Premer-Mınıstr jaǵdaıdy túzetý úshin túbegeıli sharalar qabyldaýdy talap etti.
Óz kezeginde Vıdjaı Goıal «ArselorMıttal Temirtaý» AQ jumysshylarynyń ólimine ákelgen jýyrdaǵy tótenshe jaǵdaıǵa baılanysty ókinishin bildirdi. Ol jaǵdaıdy jeke ózi qarastyryp, túıtkildi máselelerdi sheshý maqsatynda qosymsha sharalar paketin ázirleý úshin Qazaqstanǵa arnaıy kelgenin aıtty.
Kezdesý qorytyndysy boıynsha Premer-Mınıstr kompanıa mindettemeleriniń oryndaýly Úkimettiń erekshe baqylaýynda bolatynyn atap ótti.