Donorlyq aǵzalardy uzaq ýaqyt kútken tórt pasıentke transplantattaý boıynsha sátti operasıalar jasady.
Qaıtys bolǵannan keıingi donor JKO-dan alǵan jaraqattarynan qaıtys bolǵan 18 jasar jas jigit edi. Onyń týystary aǵzalardy alýǵa kelisim bergen, dep habarlaıdy aqshamnews.kz
QR Densaýlyq saqtaý mınıstrliginiń Transplanttaýdy jáne joǵary tehnologıalyq medısınalyq qyzmetterdi úılestirý jónindegi respýblıkalyq ortalyǵy (TJTMQÚRO) donorlyq jáne transplantattaý prosesin jedel uıymdastyrýdy júzege asyrdy. Kóp aǵzalyq alý barysynda baýyr, júrek jáne eki búırek alyndy.
2024 jylǵy 25 shildede mamandar aǵzalardy transplanttaý boıynsha sátti operasıalar júrgizdi.
Sonymen, Shymkent qalasynyń júrek ortalyǵynda 1966 jyly týǵan pasıent jańa júrekke ıe boldy, A.N. Syzǵanov atyndaǵy Ulttyq ǵylymı hırýrgıa ortalyǵynda 1966 jyly týǵan pasıentke baýyr transplantattaldy. Túrkistan oblysynyń oblystyq klınıkalyq aýrýhanasynda 1984 jyly týǵan pasıentke búırek transplantattaldy, University Medical Center klınıkasynda 2008 jyly týǵan balaǵa ekinshi búırek transplanttaldy.
Buǵan deıin, 2024 jylǵy 17 shildede Qazaqstanda sátti transplantattaýlar júrgizilgen bolatyn. University Medical Center klınıkalarynda 1980 jyly týǵan áıelge júrek, 1967 jyly týǵan áıelge ókpe jáne 2009 jyly týǵan balaǵa búırek transplantattaldy. «UǴOO» JSHS-da 1971 jyly týǵan er adamǵa baýyr jáne 1981 jyly týǵan áıelge búırek transplantattaldy.
TJTMQÚRO derekteri boıynsha 2023 jyly Qazaqstanda qaıtys bolǵannan keıin 7 donor tirkeldi, bul 19 aǵzany transplantattaýǵa múmkindik berdi. 2024 jyldyń basynan beri qaıtys bolǵannan keıingi donorlardyń sany 5-eý boldy, bul 19 aǵzany transplantattaýǵa múmkindik berdi.
Densaýlyq saqtaý mınıstrligi qazaqstandyq mamandardy, medısına qyzmetkerlerin, ásirese transplantologtardy daıarlaý men úılestirýdiń joǵary deńgeıin, sondaı-aq halyq tarapynan qoldaýdyń artyp kele jatqanyn atap ótti.
Elde transplantologıalyq kómekti damytý jónindegi jumys jalǵastyrylatyn bolady.