The New York Times basylymy AQSH-tyń prezıdenti Donald Tramptyń Ýkraınadaǵy soǵysqa qatysty jańa ustanymyn berdi. Saılaýaldy naýqan kezinde Tramp Reseı men Ýkraına arasyndaǵy soǵysty 24 saǵat ishinde toqtatýǵa ýáde bergen Tramp qazir ne deıdi? Tolyǵyraq aqshamnews.kz materıalynda.
The New York Times basylymy Donald Tramp Vladımır Pýtınmen áńgimelesken soń kelissózder prosesinen shyǵýǵa nıettengenin aıtty.
Basylym málimetinshe, Tramp Ýkraına prezıdenti Vladımır Zelenskııge jáne basqa da eýropalyq kóshbasshylarǵa Reseı men Ýkraına soǵysyn aıaqtaýdyń jolyn ózderi tabýǵa tıis ekenin aıtqan. Talqylaý barysymen tanys alty sheneýnik Tramp Reseıge qarsy jańa sanksıalardy qamtıtyn eýropalyq qysym naýqanyna qosylamyn degeninen bas tartqan.
"Tramp ákimshiligi jumysynyń basynan bastap júrgizgen saıasaty – agresor Reseıge emes, qurban Ýkraınaǵa qysym jasaý", – dep jazdy Kıevten sáýirde ketken burynǵy elshi ári tájirıbeli dıplomat Brıjet Brınk.
Tramp óz pikirlerinde Pýtınmen bolǵan áńgime qandaı da bir serpilis ákelgenin tuspaldap aıtty.
Eske salaıyq, saılaýaldy naýqan kezinde Tramp Reseı men Ýkraına arasyndaǵy soǵysty 24 saǵat ishinde toqtatýǵa ýáde bergen edi. Alaıda sodan beri bul másele kerisinshe áldeqaıda kúrdelene tústi.
Dúısenbide jarıalaǵan jazbasynda ol AQSH-ty bul talqylaýdan shyǵaryp, Reseımen iskerlik mámilelerge kóshý nıetin ashyq bildirdi. Soǵysty toqtatý sharttaryn "eki tarap ózara talqylaıdy, óıtkeni kelissózderdiń egjeı-tegjeıin tek solar biledi" dep jazdy Tramp.
Saıasattanýshy ne deıdi?
Saıasattanýshy Perdehan Shámshıev Tramptyń isine pikir bildirdi. Onyń aıtýynsha, saıasat bıznes emes, onda ulttyq múddeler qaqtyǵysady.
"Tramp bılikke kelgeli beri memleketter arasyndaǵy qaqtyǵystardy sheshýshi adam retinde kóringisi keledi. Biraq saıasat bıznes emes, ulttyq múddeler qaqtyǵysy ekenin endi túsinip kele jatqan sıaqty. Muny Reseı men Ýkraına arasyndaǵy máseleni sheshýge talpynysy, ustanymy men málimdemeleriniń jıi ózgerýinen baıqaımyz", - deıdi ol.
Saıasattanýshy Tramp Reseı men Ýkraına arasyndaǵy soǵysty nege toqtata almaı jatqanyn túsindirdi.
"Iá, ol Úndistan men Pákistan arasyndaǵy kıkiljińge aralasyp, qaqtyǵysty toqtatty. Sebebi munda qaqtyǵys endi bastalǵan bolatyn. Al Reseı men Ýkraına arasyndaǵy qaqtyǵys sharyqtaý shegine áli jete qoımady. Sebebi arada eki eldiń ulttyq múddesi tur. Sondyqtan Tramptyń qaqtyǵysty bıznestiń tásilimen sheshý áreketteri sátsizdikke ushyrap keledi. Sebebi bızneste "sen maǵan mynany, men saǵan basqasyn beremin" degen qaǵıda iske asqanymen, saıasatta bir tilim jer de aıyrbasqa túspeıdi", - dep qorytyndylady ol.