Túrkolog Ásel Lahaeva jetekshílík etetín «TÜRKTAV» qory Europada alǵashqy halyqaralyq ís-sharasyn júzege asyrdy.
Turın halyqaralyq kítap jármeńkesí ayasynda Qyrǵyz Respublıkasy Prezıdentíníń keńesshísí, jazushy, Alash syılyǵynyń ıegerí Arslan Koıchıevtíń qor tarapynan aǵylshyn tílíne audarylǵan «Shaman jáne Shyńǵys han» atty kítabynyń tūsaukeserí men Italyandyq fotoóner sheberí Sofıya Lavrovtyń «Turın men Bíshkek: Ekí shahar — bír júrek» atty kórmesí ótkízíldí.
«Turın men Bíshkek: Ekí shahar — bír júrek» atty kórmede Sofıya qos qalanyń yrǵaǵy men ruhyn fotosuretterí arqyly jetkíze bíldí. Būl kórme būǵan deıín Bíshkekte Gúlzada Sharshenalıeva ūıymdastyrǵan ís-shara ayasynda Qyrǵyzstannyń Ūlttyq beıneleu ónerí muzeıínde ónersúıer qauymǵa ūsynylǵan bolatyn. Bíz de osy qūndy kórmeníń bír bólígín Turın tūrǵyndary men qonaqtarymen bólísu múmkíndígíne ıe boldyq»,-deıdí Ásel Lahaeva.
Sondaı-aq, ol «TÜRKTAV» atynan túrkí jazushylardyń eńbekterín Túrkí dúnıesínde ǵana emes, kúllí álemge keńínen tanytqysy keletíndígín aıtty.
Italıya men Túrkí álemí arasyndaǵy baılanystar tereń tarıhı tamyrlarǵa ıe. Orta ǵasyrlarda Marko Polo syndy Venetsıyalyq sayahatshylar men dıplomattar Túrkístan jerí men túrkí halyqtardyń mádenıetín Europaǵa tanystyrǵan.
HH ǵasyrda Italıyadaǵy túrkologıya zertteulerí derbes akademıyalyq sala retínde qalyptasty.
Agustıno Zalı, Alessıo Bombachchı jáne Djuzeppe Storı syndy kórnektí ǵalymdar túrkí tílderí, jazu júıelerí men ádebı mūrasyna aıtarlyqtaı úles qosty.
Turın kítap jármeńkesí 1988 jyldan berí ótkízílíp kele jatqan Italıyanyń eń írí, al Europanyń eń bedeldí kítap jármeńkeleríníń bírí. Jyl saıyn álemge tanymal jazushylardy, baspagerlerdí jáne ádebıet súıer qauymnyń basyn qosyp halyqaralyq mádenı ózara yqpaldastyqqa eleulí úles qosyp keledí.
