Áleýmettik jelilerde sońǵy ýaqytta 369 qazaqstandyqtyń Donald Tramptyń jańa mıgrasıalyq saıasatyna baılanysty AQSH-tan shyǵarylatyny týraly aqparat tarap, kópshiliktiń arasynda dúrbeleń týǵyzdy, dep habarlaıdy aqshamnews.kz.
Alaıda, Qazaqstan Respýblıkasynyń Syrtqy ister mınıstrligi bul aqparatty teriske shyǵaryp, halyqty sabyrǵa shaqyrdy.
SİM ókilderiniń málimdeýinshe, AQSH-taǵy zańsyz júrgen qazaqstandyqtar týraly aqparat bir aı buryn paıda bolǵan. Iaǵnı Tramp prezıdenttik qyzmetke kirispeı turyp. mınıstrlik bul jańalyqtyń Fox News arnasynda jarıalanǵan ICE (Imıgrasıalyq jáne keden qyzmeti) esebine baılanysty ekendigin jáne onyń AQSH-tyń jańa mıgrasıalyq saıasatyna eshqandaı qatysy joqtyǵyn atap ótti.
Sonymen, 369 qazaqstandyqtyń elden shyǵarylatyny ras, biraq bul Tramptyń jańa mıgrasıalyq saıasatyna baılanysty emes.
Jalpy, AQSH-ta 1,5 mıllıonǵa jýyq adam deportasıaǵa ushyraýy múmkin. Olardyń kóbisi Gvatemala, Gondýras, Meksıka jáne Salvadordan kelgen mıgranttar. Árbir el óz azamattaryn 200-250 myń adammen qaıtarýy tıis.