Tozǵan jylý jelilerin modernızasıalaý boıynsha tolaıym jumystar júrgizilýde.
Atap aıtqanda, jalpy uzyndyǵy 8,4 shaqyrym jylý jelilerin rekonstrýksıalaý jónindegi mańyzdy jobalardy iske asyrý jumystary bastalǵan, dep habarlaıdy Almaty-akshamy.kz.
Aınabulaq-2 shaǵyn aýdanyndaǵy Qazybaev, Serikov, Angarskaıa, Muqataı kósheleri arqyly ótetin, jalpy uzyndyǵy 5,9 shaqyrym (2022j. – 1,7, 2023j. – 2,2, 2024j. – 2 shaqyrym) «Aınabulaq» jylý magıstralin rekonstrýksıalaý jumystary jalǵasýda. Bıylǵy jylǵa josparlanǵan 2,2 km jylý jelileri osy jyldyń qyrkúıek aıynda aıaqtalady, -dedi Almaty qalasynyń ákimi E.Dosaev Jetisý aýdany turǵyndarymen kezdesýinde.
Sonymen qatar Kazakov jáne Brodskıı kóshelerindegi jalpy uzyndyǵy 2,5 shaqyrym (2023j. – 1,1, 2024j. – 1,4 shaqyrym) jylý magıstralin jóndeý jumystary júrgizilýde.
Kazakov jáne Brodskıı kóshelerindegi jalpy uzyndyǵy 2,5 shaqyrym jylý magıstralin jóndeý jumystarynyń 1,1 shaqyrymyn osy jyldyń qyrkúıek aıynyń sońyna qaraı aıaqtaý josparlanýda. Eki joba da 2024 jyly tolyǵymen aıaqtalady, -dedi qala ákimi.
Aıta ketý kerek, Kolpakovskıı jáne Esenov kósheleriniń boıyndaǵy (245 m) jylý magıstralin rekonstrýksıalaý jumystary aıaqtaldy. Bul № 143 mektepti turaqty jylýmen qamtamasyz etedi.