Jastar Komúnıtı ortalyǵyn ornalastyrý úshin Botkın kóshesi, 16 mekenjaıynan ǵımarat satyp alý jumystary júrgizilýde.
Ǵımarat 20 qyrkúıekke deıin satyp alynady. Bul týraly Almaty ákimi Erbolat Dosaevtyń Jetisý aýdany turǵyndarymen ótken kezdesýinde aıtyldy, dep habarlaıdy Almaty-akshamy.kz.
Ortalyqtyń ashylýy qarasha aıyna josparlanǵan.
«Bul sizderdiń aýdandaryńyzda ashylǵaly otyrǵan jańa formattaǵy alǵashqy ortalyq ekenin atap ótkim keledi. Ortalyq jumysy negizinen jastardy, eń aldymen NEET sanatyna jatatyn jastardy jumysqa ornalastyrý, oqytý jáne kásiptik baǵdar berýge, sondaı-aq psıhologıalyq jáne zań kómegin kórsetýge baǵyttalatyn bolady», - dedi Almaty ákimi Erbolat Dosaev.