Almaty qalasynyń tótenshe jaǵdaılar departamenti qar kóshkinine baılanysty eskertý jasady, dep habarlaıdy almaty-akshamy.kz.
Almaty taýlarynda qar kóshkini qaýpiniń saqtalýyna baılanysty, blokposttar qoıyldy.
Sınoptıkter 21-23 naýryz aralyǵynda qar kóshkini qaýpi týraly dabyldy eskertý jasady. Jylymyqtyń áserinen qatty jaýyn-shashyn túsýine, sondaı-aq qar jamylǵysynyń turaqsyz jaǵdaıyna baılanysty qar kóshkini bolýy múmkin ekenin atap ótti, - delingen habarlamada.
Sondaı-aq «Qazseldenqorǵaý» mamandary naýryz aıynda qar kóshkininiń eń qaýipti túri – «sýly qar» kóshkini túsetinin atap ótken.
Almaty taýlarynda kóshkin qaýpiniń joǵary dárejesi saqtalýda. Adamdardyń qaýipsizdigin saqtaý maqsatynda Shymbulaq TSHK , «Aıýsaı» bógetinen joǵary «Vızıt» ortalyǵy aýmaǵynda, «Edelveıs» kóshkin jınaý aýdanynda blok-beketter ornatylǵan. Osyǵan baılanysty, joǵaryda atalǵan merzimderde taýǵa barmaýlaryńyzdy suraımyz, - dep málimdedi departament.