Memleket basshysy Seısmologıalyq baqylaý jáne zertteý ulttyq ǵylymı ortalyǵynyń dırektory Dáýlet Sársenbaevty qabyldady
Kezdesý barysynda Prezıdent Qasym-Jomart Toqaevqa ǵylymı ortalyqtyń qazirgi atqaryp jatqan jumystary jóninde baıandaldy, dep habarlaıdy almaty-akshamy.kz
Dáýlet Sársenbaev byltyr qala aýmaǵynda ornalasqan 16 seısmıkalyq stansıanyń 11-ne 527 mıllıon teńgege qural-jabdyq satyp alynǵany týraly málimet berdi.
2021-2023 jyldarǵa arnalǵan maqsatty qarjylandyrý baǵdarlamasynyń nátıjesinde 25 baqylaý pýnkti ashyldy. Halyqaralyq yntymaqtastyq aıasynda 10 jańa stansıa ishinara jańǵyrtylyp, 6 jańa stansıa paıdalanýǵa berildi.
Memleket basshysy seısmıkalyq qaýipsizdik halyqty qorǵaý deńgeıine, ekonomıkalyq nysandar men qorshaǵan ortanyń jaı-kúıine áser etetin ulttyq qaýipsizdiktiń negizgi faktory sanalatynyn aıtty. Prezıdent erte qulaqtandyratyn ozyq júıe engizýge jáne seısmologtardyń biliktiligin arttyrýǵa qatysty birneshe máselege nazar aýdardy.
Qasym-Jomart Toqaev ǵylymı ortalyqqa jer silkinisterin boljaýdyń ǵylymı ádisterin qoldaný jáne engizý jóninde mańyzdy mindet júkteletinin aıtty.
Memleket basshysy ortalyqtyń jumysynda ǵylymı zertteýlerdi damytý jáne ınovasıalyq tehnologıalardy engizý qajet ekenin atap ótti.