Ol – Azamattyq qorǵaý akademıasynyń bastyǵy qyzmetin atqarǵan Syrym Sháriphanov.
Memleket basshysynyń Jarlyǵymen Syrym Dúısenǵazyuly Sháriphanov Qazaqstan Respýblıkasynyń Tótenshe jaǵdaılar mınıstri laýazymyna taǵaıyndaldy, dep habarlaıdy Almaty-akshamy.kz
1967 jyly 1 mamyrda Almaty qalasynda dúnıege kelgen.
1991 jyly Qazan qalasyndaǵy M.Chıstákov atyndaǵy Zymyran áskerleriniń joǵary áskerı komandalyq-ınjenerlik ýchılıshesin támamdady. Tehnıka ǵylymdarynyń doktory, general-maıor.
Eńbek jolynda azamattyq qorǵanys júıesinde túrli laýazymdar men basshylyq qyzmetterdi atqardy.
1997 jylǵy maýsymnan 1999 jylǵy aqpanǵa deıin – Jambyl oblystyq tótenshe jaǵdaılar basqarmasynyń Daıyndyq jáne oqytý ortalyǵynyń bastyǵy.
2008 jylǵy qyrkúıekten 2010 jylǵy aqpanǵa deıin – Almaty qalasy Tótenshe jaǵdaılar departamenti Azamattyq qorǵanys basqarmasynyń bastyǵy.
2014 jylǵy qazannan 2020 jylǵy qarashaǵa deıin – Qazaqstan Respýblıkasy İshki ister mınıstrligi Tótenshe jaǵdaılar komıtetine qarasty Kókshetaý tehnıkalyq ınstıtýtynyń bastyǵy.
2021 jyldyń 3 qyrkúıeginen búginge deıin – Qazaqstan Respýblıkasy Tótenshe jaǵdaılar mınıstrligine qarasty Málik Ǵabdýllın atyndaǵy Azamattyq qorǵaý akademıasynyń bastyǵy qyzmetin atqardy.