«Qazgıdromettiń» daýyldy eskertýiniń negizinde 14-16 maýsym aralaǵynda joǵarǵy órt qaýipi saqtalatynyn eskertti, dep habarlaıdy Almaty-akshamy.kz.
13 maýsymda Almaty qalasynyń tótenshe jaǵdaılar departamenti qala turǵyndary men qonaqtaryna:
- taýly-ormandy alqaptarǵa barǵanda órt qaýipsizdigi erejeleriniń talaptaryn saqtaýdy;
- tamaq jasaý úshin arnaıy as pisirý qurylǵylaryn qoldanýdy;
- temeki shekpeýdi, tutanǵan sirińke jáne temeki qaldyqtaryn tastamaýdy;
- kún sáýlesimen tez tutanatyn bótelkelerdi, shyny synyqtaryn, basqa turmystyq qaldyqtardy qaldyrmaýdy jáne shóptiń ústine ot jaqpaýdy usynady.
«Qazgıdromet» RMK málimetinshe, 14 maýsym kúni elimizdiń basym bóliginde aýa raıy negizinen jaýyn-shashynsyz, ashyq bolady.