Brússel zertteýshileri, osylaı dep dabyl qaqty.
Olar Eýropalyq Odaqtan ıntellekt taqyrybynda halyqaralyq samıt ótkizýdi surap otyr, dep habarlaıdy Almaty-akshamy.kz.
24.kz-tiń jazýy boıynsha Ulybrıtanıa premer-mınıstri Rıshı Sýnak, kerisinshe, jasandy ıntellektini, barynsha kóbirek paıdalaný kerek dep sanaıdy. Jasandy ıntellekt mıllıondaǵan adamnyń kúndelikti istep júrgen jumysyn almastyrýǵa qaýqarly. Sóıtip, eki qolǵa bir kúrek tappaıtyndar kóbeıedi. Saılaý kezinde jalǵan aqparat taratyp, shatastyrýy da yqtımal. Kompanıalar jasandy ıntellekt júıelerine kóbirek derbestik berse, olar ómirlik mańyzdy ınfraqurylymǵa qol jetkizip, adamzatty basqaratyn bolady. PauseAI belsendileri osy sebepti Eýroodaqtan arnaıy samıt ótkizýdi surap otyr.
- Samıt jasandy ıntellekt qaýipti júıelerin damytýdyń aldyn alý úshin qajet. Biz jaı ǵana sypaıy túrde kompanıadan jasandy ıntellekt damýyn toqtatýdy suraı almaımyz, óıtkeni olar kúshti básekelestik qysymǵa ushyraıdy. Sondyqtan biz muny halyqaralyq deńgeıde sheshýimiz kerek, - deıdi PauseAI negizin qalaýshy Iýp Meındertsma.
Ulybrıtanıa premer-mınıstri Rıshı Sýnak tıisti saqtyq sharalarynsyz jasandy ıntellektti damytý «ekzıstensıaldy» qaýip tóndiretinin eskertti. Sondaı-aq ol tehnologıalyq hab mártebesin ıelený úshin jasandy ıntellekt múmkindikterin tolyq paıdalaný qajettigin aıtty.
- Jyl sońynda Ulybrıtanıada jahandyq jasandy ıntellekt qaýipsizdigi boıynsha alǵashqy samıt ótedi. Bizge ózge ulttar men zerthanalar arasynda jahandyq yntymaqtastyq qajet. Ulybrıtanıa zıatkerlik ortalyq qana emes, sonymen qatar jahandyq tehnologıa oshaǵyna aınalǵanyn qalaımyn, -deıdi Ulybrıtanıa premer-mınıstri Rıshı Sýnak.
Bir qyzyǵy, 100-ge jýyq zertteýshi men tehnologıalyq kompanıa basshylary «jasandy ıntellekt adamzatty qurtýy múmkin» degen ashyq hatqa qol qoıǵan. Al ChatGPT-di oılap tapqan OpenAI bas dırektory Sem Áltman Rıshı Sýnak syndy belgili tulǵalarǵa ıntelektiniń basqarý tetigi berilmeý kerek degen pikirde.