Ortalyq komýnıkasıalar qyzmetinde qurylǵan Respýblıkalyq aqparattyq shtab BAQ ókilderin Sý tasqynyna qatysty quzyrly organdardan túsken málimetpen táýlik boıy qamtamasyz etedi, dep jazdy Memlekettik keńesshi Erlan Qarın Telegram paraqshasynda.
«Sý tasqynyna qatysty qazirgi ahýal týraly aqparat taratý úshin Ortalyq komýnıkasıalar qyzmetinde Respýblıkalyq aqparattyq shtab qurylǵan. Bul shtab BAQ ókilderin quzyrly organdardan túsken málimetpen táýlik boıy qamtamasyz etedi. Búginnen bastap Tótenshe jaǵdaılar, Qorǵanys, İshki ister mınıstrlikteri, Kazgıdromet jáne basqa da mekeme ókilderiniń qatysýymen qosymsha onlaın brıfıńter uıymdastyrylady. Tótenshe jaǵdaı jarıalanǵan 10 aımaqtan jergilikti shtabtarmen onlaın brıfıńter josparlanyp otyr», - dedi Memlekettik keńesshi.
Sondaı-aq ol «24kz» telearnasynyń efırlik ýaqyty Respýblıkalyq aqparattyq shtabtyń jumysymen úılestirilip, brıfıńterden tikeleı habar taratylatynyn jetkizdi.
«Budan bólek, telearnadaǵy jańalyqtardyń efırge shyǵý jıiligi artyp, sý tasqynymen kúresý jáne onyń saldaryn joıý, qutqarý qyzmetteriniń, volonterlik uıymdardyń jáne basqa da azamattardyń birlesken jumysy, zardap shekken aımaqtarǵa gýmanıtarlyq kómek jınap jetkizý barysy týraly turaqty aqparat beriledi», - dep jazdy Erlan Qarın Telegram arnasynda.