Qazaqstanda "Nazar aýdaryńyz, balalar!" jedel-profılaktıkalyq is-sharasy bastaldy, dep habarlaıdy aqshamnews.kz Polisia.kz-ke silteme jasap.
Búgingi tańda eldegi kámeletke tolmaǵandardyń qatysýymen bolatyn jol apaty oqıǵalary tártip saqshylaryn erekshe alańdatyp otyr. Jyl saıyn jol-kólik oqıǵasynyń saldarynan 300-den astam bala qaza taýyp, tórt myńnan astamy túrli jaraqat alady. Bul qoǵam úshin eldiń demografıalyq rezervine nuqsan keltiretin orny tolmas shyǵyn.
"Osy jyldyń alǵashqy tórt aıynda respýblıka aýmaǵynda balalardyń qatysýymen eki myńnan astam apat tirkeldi. Saldarynan 67 bala qaza taýyp, úsh myńǵa jýyǵy jaraqat aldy", - deıdi polıseıler.
Polısıa aldaǵy jazǵy demalysty eskere otyryp, jol qaýipsizdigi máselelerinde belsendilik pen jaýapkershilik tanytýǵa shaqyrady.
"Biz balalardyń qatysýymen bolatyn jol apatynyń aldyn alýǵa baǵyttalǵan birlesken jumys júrgizý úshin barlyq resýrsty paıdalanýymyz qajet. Osyǵan baılanysty elimizde "Nazar aýdaryńyz, balalar!" aksıasy ótkiziledi. Bul aksıa balalardyń joldaǵy qaýipsizdigine qoǵamnyń nazaryn aýdarýǵa baǵyttalǵan", - delingen habarlamada.