Vashıngtondaǵy memlekettik mekemelerdiń qyzmetkerleri aýa raıynyń qolaısyzdyǵyna baılanysty jumystan bosatyldy
Taǵy alty shtatta tornado daýyly týraly eskertý jarıalandy, dep habarlaıdy Almaty-akshamy.kz.
AQSH-tyń Adam resýrstary basqarmasy memlekettik qyzmetkerlerge jumys kúnin belgilengen ýaqyttan eki saǵat buryn aıaqtaý jáne ǵımarattardy 15:00-den keshiktirmeı evakýasıalaý týraly buıryq shyǵardy, keıin úkimettik ǵımarattar da ýaqytsha jabyldy. Jumys oryndarynda tótenshe jaǵdaılar departamentiniń qyzmetkerleri ǵana qaldy. AQSH astanasynyń turǵyndaryna 4-deńgeıdegi daýyldy eskertý jarıalandy.
7 tamyz kúni keshke AQSH-tyń Ulttyq meteorologıalyq búrosy Vashıngtonda jáne eldiń shyǵys bóliginde tornado qaýpine baılanysty daýyldy eskertý jarıalady. Sınoptıkter AQSH-tyń birneshe shtatynda qatty daýyl soǵyp, burshaq jaýady dep boljady. Shyǵys shtattardyń turǵyndaryna uzaq saparǵa shyqpaýǵa jáne úıde bolýǵa keńes berildi.
Tornado qaýpi Vashıngtonnan basqa Merılend, Soltústik Karolına, Vırdjınıa jáne Batys Vırdjınıa, Tennessı jáne Kentýkkı shtattarynda saqtalady.
Aıta keteıik, tórtinshi deńgeıli daýyl týraly eskertý AQSH astanasynda on jyldan beri jarıalanbaǵan, ol sońǵy ret 2013 jyly, shtattardyń shyǵys bóligin birden alty tornado soqqan kezde jarıalanǵan edi.