Qazaqstan quramasynyń kapıtany Aslanbek Shymbergenovtyń jartylaı fınaldyq kezdesýinde tóreshilerdiń sheshimine qatysty Qazaqstan boks federasıasynyń perezıdenti Keńes Raqyshev málimdeme jasady, dep habarlaıdy almaty-akshamy.kz
Qurmetti jankúıerler, álem chempıony, Qazaqstan quramasynyń kapıtany Aslanbek Shymbergenovtyń jartylaı fınaldyq kezdesýinde tóreshilerdiń asa ádiletsiz sheshimine qatysty óreskel oqıǵa oryn aldy. Shymbergenov búkil jekpe-jek boıy japonıalyq Sevon Okazavany soqqynyń astyna aldy.
Judyryqtary qarsylasqa dál tıip jatty. Barlyq jaǵynan myqtyraq ári basymyraq boldy. Biraq olar Shymbergenovtyń qarsylasynyń qolyn kóterdi...
Halyqaralyq Olımpıada komıteti IBA-daǵy tóreshilikke qatysty árdaıym shaǵym bildirip kelgen edi, biraq Hanchjoýdaǵy Azıa oıyndarynyń jartylaı fınalynda bolǵan oqıǵa tym shekten shyǵyp ketti.
Osyǵan baılanysty Qazaqstan boks federasıasy Azıa oıyndary boıynsha HOK tóreshisine óz talaptaryn resmı túrde bildiredi. Bul rette týrnırdiń eń myqty boksshylary bizdiń bylǵary qolǵap sheberlerimen birdeı jerebege túsýi, jalpy jerebeniń ótkizilý reti, tóreshilerdiń jumysyna suraqtar týyndatty. Al jergilikti boksshylarǵa «qyzyl kilem» tóseldi...
HOK qamqorlyǵyndaǵy týrnırlerde tóreshiler sheshimine narazylyqtar men shaǵymdardy berýge bolmaıdy. Qazaqstan - boks derjavasy, bokstyń kóshbasshysy retinde rıngtegi mundaı ádiletsizdik faktilerimen kelise almaıdy.
Men óz tarapymnan Aslanbek Shymbergenovke jeke qoldaý bildiremin! Mundaı faktiler kapıtanymyzdy syndyrmaıdy, eńsesin túsirmeıdi dep senemin, jáne ol bokstan eń mańyzdy halyqaralyq týrnırlerde Qazaqstan Týyn bıikte jelbiretedi dep oılaımyn!
Qurmetpen, QBF prezıdenti Keńes Raqyshev!