Saıası uıymdar birlesip jatyr.
Elordada kezekten tys Prezıdent saılaýynda Qasym-Jomart Kemeluly Toqaevtyń kandıdatýrasyn qoldaý jónindegi halyqtyq koalısıanyń forýmy bastaldy. İs-sharaǵa Memleket basshysy Qasym-Jomart Toqaev ta qatysýda, dep habarlaıdy Almaty-akshamy.kz QazAqparatqa silteme jasap.
Aıta keteıik, AMANAT partıasynyń kezekten tys XXIV sezinde partıa basshysy – QR Parlamenti Májilisiniń tóraǵasy Erlan Qoshanov elimizdegi birqatar partıalar men saıası birlestikter Prezıdenttikke Memleket basshysy Qasym-Jomart Kemeluly Toqaevtyń kandıdatýrasyn usynyp otyrǵanyna toqtalǵan edi.
«Osy oraıda biz sol saıası uıymdarmen birlesip, Qasym-Jomart Kemeluly Toqaevty qoldaý jónindegi halyqtyq koalısıa qurý jónindegi kelisimge keldik. Tústen keıin osy ǵımaratta Memleket basshysynyń qatysýymen úlken forým ótedi. Soǵan bárimiz qatysamyz. Barshańyzdy Ádiletti Qazaqstan qurý jolyndaǵy ıgi bastamalardy iske asyrý úshin judyryqtaı jumylýǵa shaqyramyn», - degen edi partıa tóraǵasy.