Qasym-Jomart Toqaev Túrki memleketteri uıymynyń beıresmı samıtin kóne Býdapesht shaharynda óte joǵary deńgeıde uıymdastyrǵany úshin Majarstannyń Premer-mınıstri Vıktor Orbanǵa rızashylyǵyn bildirdi.
Memleket basshysynyń aıtýynsha, «Shyǵys pen Batys toǵysqan tus» ataýymen uıymdastyrylǵan samıt alyp qurlyqtyń ulan-ǵaıyr aýmaǵyn ıelenip jatqan túrki elderiniń múddesine, strategıalyq maqsat-mindetine saı keledi. Qazirgi kúrdeli geosaıası jaǵdaıda Uıym aıasyndaǵy yntymaqtastyqtyń máni tipti artty.
Bul rette Qasym-Jomart Toqaev túrki jurtynyń tatýlyǵy men ózara baılanysyn nyǵaıtý, tutastyǵyn bekemdeı túsý maqsatynda Qazaqstan qabyldaǵan keshendi sharalarǵa toqtaldy.