Qasym-Jomart Toqaev sýperkompúterdi iske qosý rásimine qatysty, - dep habarlaıdy aqshamnews.kz Aqordaǵa silteme jasap.
Memleket basshysy Alemcloud Ulttyq sýperkompúter ortalyǵyna baryp, NVIDIA H200 grafıkalyq prosesorlary bazasynda jasaqtalǵan sýperkompúterdi iske qosý rásimine qatysty.
Jańa data-ortalyqtaǵy júıeni Sıfrlyq damý, ınovasıalar jáne aeroǵarysh ónerkásibi mınıstrligi halyqaralyq seriktestermen birge ornatyp, paıdalanýǵa berdi.
Jańa sýperkompúter klasteri FP8 formatynda esepteý ádistemesi boıynsha 2 ekzaflopsqa deıingi ónimdilikti qamtamasyz ete alady. Esepteý qýaty jaǵynan Ortalyq Azıa óńirindegi eń úzdigi sanalady.
Qasym-Jomart Toqaev sýperkompúterdiń iske qosylýy elimizdegi negizgi salalardy sıfrlandyratyn mańyzdy qadam ekenin atap ótti. Bul Qazaqstannyń sıfrlyq tehnologıalardy damytýda aıtarlyqtaı órkendeýine yqpal etedi.
Sýperkompúterdiń esepteý qýatyn neırojeli sheshimderin ázirleýmen aınalysatyn startaptar, ýnıversıtetter men ǵylymı ortalyqtar, sondaı-aq memlekettik mekemeler men jeke kompanıalar paıdalana alady.