Aqorda rezıdensıasynda tórt eldiń tótenshe jáne ókiletti elshileriniń Memleket basshysyna senim gramotalaryn tapsyrý rásimi ótti.
Búgin Memleket basshysy Qasym-Jomart Toqaev birqatar memlekettiń elshilerinen senim gramotalaryn qabyldady, dep habarlaıdy Almaty-akshamy.kz Aqordaǵa silteme jasap.
Senim gramotalaryn Shvesıa Koróldiginiń elshisi Eva Ýlrıka Pýlano, Grýzıanyń elshisi Nıkoloz Lalıashvılı, Mánma Odaǵy Respýblıkasynyń elshisi Lvın Ý jáne Kıpr Respýblıkasynyń elshisi Kıpros Iorgallıs tapsyrdy.
Qasym-Jomart Toqaev elshilerdi Qazaqstandaǵy dıplomatıalyq mısıasynyń resmı túrde bastalýymen quttyqtap, ekijaqty baılanystardy odan ári nyǵaıtý jumystaryna tabys tiledi. Memleket basshysy Qazaqstannyń dostyq jáne ózara tıimdi qarym-qatynastardy nyǵaıtýǵa baǵyttalǵan beıbit ári ashyq syrtqy saıasat júrgizip otyrǵanyn aıtty.
Memleket basshysy dıplomattardyń ıgi mısıalaryn oryndaýy kezinde Qazaqstan Úkimeti tarapynan jan-jaqty qoldaý kórsetiletinin atap ótti.
Rásim sońynda Qasym-Jomart Toqaev elshilerge tabys tilep, olardyń memleketteriniń basshylaryna izgi tilegi men sálemin joldady.