Maqsat – burynǵy polıgon mańynda turatyn halyqtyń radıasıalyq qaýipsizdigin kúsheıtý.
Memleket basshysy Qasym-Jomart Toqaev "Semeı ıadrolyq qaýipsizdik aımaǵy týraly" Qazaqstan Respýblıkasynyń Zańyna qol qoıdy, dep habarlaıdy Almaty-akshamy.kz
Sondaı-aq Memleket basshysy "Qazaqstan Respýblıkasynyń keıbir zańnamalyq aktilerine Semeı ıadrolyq qaýipsizdik aımaǵy, ekologıa jáne elektr energetıkasy máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy.
21 maýsymda Májilistiń jalpy otyrysynda depýtattar "Semeı ıadrolyq qaýipsizdik aımaǵy týraly" zań men oǵan ilespe túzetýlerdi qabyldap, Senatqa joldady.
Zań jobasy radıasıalyq jáne ekologıalyq qaýipsizdiktiń tıisti deńgeıin qamtamasyz etý, burynǵy ıadrolyq polıgonnyń jerlerin paıdalaný jáne onyń aýmaǵyn ońaltý máselelerinde memlekettik baqylaýdy kúsheıtý aýmaqty ońaltý, eldiń ǵylymı áleýetin damytý, ıadrolyq energıany beıbit maqsatta paıdalaný máselelerinde Qazaqstannyń ustanymyn nyǵaıtý maqsatynda ázirlengen.
Zań boıynsha radıoaktıvti ýchaskeler anyqtalyp, onda Semeı ıadrolyq qaýipsizdik aımaǵy qurylady. Sol jerlerdi qalpyna keltirý úshin júıeli jumys atqarylady.
"Maqsat – burynǵy polıgon mańynda turatyn halyqtyń radıasıalyq qaýipsizdigin kúsheıtý. Al tabıǵaty lastanbaǵan, ekologıalyq ahýaly jaqsy jerler el ıgiligine qyzmet etedi. Sóıtip, jergilikti turǵyndar jaıylym jerlerdi paıdalana alady. Osylaısha qyryq jyl ıadrolyq synaqtan zardap shekken kıeli ólke damýdyń jańa kezeńine qadam basýda", - dedi QR Parlamenti Májilisiniń tóraǵasy Erlan Qoshanov.