Ol 620 mln teńgeden astam shyǵyn keltirgen.
Dırektor eki jyl boıy alaıaqtyq jolmen kásipkerlerden elektr energıasy úshin negizsiz aqy alyp kelgen, dep habarlaıdy Almaty-akshamy.kz
«Almaty Kuat» JSHS dırektoryna qatysty alaıaqtyq jáne asa iri kólemde qarjyny zańdastyrý faktisi boıynsha sotqa deıingi tergep-tekserýdi QMA Almaty qalasy boıynsha departamenti aıaqtady.
Tergeý barysynda anyqtalǵandaı, JSHS dırektory Almaty qalasynyń ındýstrıaldy aımaǵyna qatysýshy 10-nan astam sharýashylyq júrgizýshi sýbektilerimen elektr energıasyn jetkizý shartyn jasasyp, elektr energıasyn tutynýshylardy, sondaı-aq óndirýshi jáne jetkizýshi uıymdardy alaıaqtyq jolmen elektr energıasyn tutynǵany úshin tólem shottaryn jazyp, eki jyl boıy kásipkerler elektr energıasy úshin negizsiz aqy tólep kelgeni anyqtaldy.
Osylaısha ol jalpy somasy 620 mln teńgeden astam shyǵyn keltirgen.
Odan ári jedel-izdestirý sharalary barysynda joǵaryda atalǵan JSHS dırektorynyń mámileler arqyly qylmystyq jolmen alynǵan aqshalaı qarajattardy zańdy aınalymǵa túsirgeni anyqtaldy.
Sot qaýlysymen jalpy somasy 134 mln teńgeden astam jer telimderi men qural-jabdyqtarǵa qamaýǵa alyndy.
Sot úkimimen JSHS dırektory kináli dep tanylyp, múlki tárkilenip, 6,5 jylǵa bas bostandyǵynan aıyryldy.