Kezdesýde otandyq teatr óneri jáne kınematografıa salasyn damytý máseleleri talqylandy.
Memleket basshysy Qasym-Jomart Toqaev Qazaqstannyń eńbek sińirgen qaıratkeri, aktrısa Samal Eslámovany qabyldady, dep habarlaıdy Almaty-akshamy.kz
Prezıdent qoǵamnyń rýhanı damýynda teatr men kıno mańyzdy ról atqaratynyna toqtalyp, atalǵan salalarǵa memleket tarapynan tıisti qoldaý kórsetilip jatqanyna nazar aýdardy.
Memleket basshysy otandyq fılmderde tarıhymyzdy, mádenıetimizdi dáripteýge, jastardyń boıynda patrıotızm sezimin qalyptastyrýǵa, rýhanı-adamgershilik qundylyqtardy nasıhattaýǵa basa mán berý qajet ekenin atap ótti.
Óz kezeginde Samal Eslámova Prezıdentke óziniń aldaǵy shyǵarmashylyq jospary, otandyq óner salasyn damytýǵa qatysty usynystary týraly aıtty.
Memleket basshysy Qasym-Jomart Toqaev ult mádenıetin tanytýǵa úles qosyp kele jatqany úshin aktrısa Samal Eslámovaǵa alǵys aıtyp, shyǵarmashylyq tabys tiledi.