Artýr Ysqaqovtyń Taılandta qaıtys bolǵanyn budan buryn habarlaǵanbyz.
Taǵy bir qazaqstandyq 45 jastaǵy Aleksandr Makarov Taılandta teńizge túsip, qaıta shyǵa almaǵan, dep habarlaıdy Almaty-akshamy.kz
QR syrtqy ister mınıstrliginiń resmı ókili Aıbek Smadıarovtyń málimdeýinshe, eki qazaqstandyqtyń denesi jaqyn arada elge jetkiziledi.
1 maýsymda Artýr Ysqaqov shekteý sharalaryna qaramaı, jaǵajaıda sýǵa túsken.
Beıresmı aqparatqa sáıkes, ol sýǵa batyp bara jatqan qyzyn qutqarýǵa tyrysqan. Biraq ózi qatty tolqynǵa tótep bere almaı, sýǵa batyp kete jazdady. Ony shuǵyl aýrýhanaǵa jetkizip, jansaqtaý bólimine jatqyzdy. Keshe keshkisin Artýrdyń júregi toqtap qaldy.
"Bul sońǵy bir aptada bolǵan ekinshi jaǵdaı, 3 maýsymda týra sol jerde taǵy bir qazaqstandyq qaıtys boldy. Ol da shekteýlerge qaramaı, sýǵa túsken. Ony da qatty tolqyn alyp ketti. Qazirgi kezde konsýl týystaryna qajetti qujattardy rásimdeýge kómektesip jatyr. Jaqyn arada ekeýiniń denesi Qazaqstanǵa jetkiziledi", - dedi Smadıarov búgingi brıfıńte.
Artýrdyń ata-anasy Phýketke ushyp bardy.
3 maýsymda taǵy bir qazaqstandyq Taılandta teńizge túsip, qaıta shyǵa almaǵan. 45 jastaǵy Aleksandr Makarov sýǵa tunshyǵyp qalǵany belgili boldy. Qutqarýshylar men týrıser ony Talang aýrýhanasyna jetkizgen, alaıda er adamdy aman alyp qala almaǵan.
Taıland polısıasynyń málimetine sáıkes, kóbinese, TMD-dan keletin týrıser shekteý sharalaryn elemeı sýǵa túsedi. Sonyń saldarynan qaıǵyly jaǵdaı azaımaı otyr.