Sportshy Prezıdentke alǵys aıtty.
Prezıdent Qasym-Jomart Toqaev Australian Open, Indıan-Ýells jáne Maıamı týrnırlerinde keremet óner kórsetken Elena Rybakınany quttyqtap, sheberligi men jeńiske degen erik-jigeri úshin rızashylyǵyn bildirdi, dep habarlaıdy Almaty-akshamy.kz Aqordaǵa silteme jasap.
Memleket basshysy qazaqstandyq tenısshilerdiń jetistigi óskeleń urpaq arasynda osy sport túriniń tanymaldylyǵyn arttyrýǵa septigin tıgizetinin atap ótti.
Elena Rybakına jeńis tuǵyrynan kóringen sátterinde qoldaý bildirgeni jáne júrekjardy quttyqtaýlaryn joldaǵany úshin Prezıdentke alǵys aıtty. Dańqty tenısshi aldaǵy ýaqytta da bedeldi halyqaralyq jarystarda sátti óner kórsetýge bar kúsh-jigerin jumsaıtynyn jetkizdi.
Memleket basshysy Qasym-Jomart Toqaev qazirgi tańda elimizde 30 myńnan asa adam tenıspen shuǵyldanatynyna toqtaldy. Onyń 10 myńnan astamy – 10 jasqa deıingi balalar. Osy sport túrine buqaralyq sıpat berý maqsatynda elimizdiń 17 aımaǵynda tenıs korttary salyndy. Sondaı-aq Baby tennis, «10 jasqa deıingi tenıs» sekildi jobalar tabysty júzege asyrylyp jatyr.
14-15 sáýir kúnderi Astanada alǵash ret Bıllı Djın Kıng kýbogynyń irikteý machy ótedi. Tenısten Qazaqstannyń áıelder quramasy Polsha komandasyna qarsy oınaıdy. Bul kezdesýdiń jeńimpazy álem chempıonatyna joldama alady.
Memleket basshysy halyqaralyq deńgeıdegi mundaı is-sharalardy uıymdastyrý elimizdegi tenıstiń damý deńgeıin arttyrýǵa tyń serpin beretinin aıtty. Sondaı-aq Parıjde ótetin jazǵy Olımpıada oıyndaryna lısenzıa utyp alǵan otandyq tenısshilerge sáttilik tiledi.