Shavkat Mırzıóev atalǵan sharanyń ótkizilý deńgeıin joǵary baǵalady
Memleket basshysy Qasym-Jomart Toqaev Ózbekstan prezıdenti Shavkat Mırzıóevpen kezdesti, dep habarlaıdy Almaty-akshamy.kz.
Qasym-Jomart Toqaev pen Shavkat Mırzıóev Qazaqstan men Ózbekstan arasyndaǵy strategıalyq seriktestiktiń qazirgi jaǵdaıy men damý perspektıvalaryn talqylady, delingen Aqorda habarlamasynda.
Sonymen qatar taraptar Ortalyq Azıa memleketteri basshylarynyń jáne Eýropalyq Keńes Prezıdenti Sharl Mısheldiń qatysýymen ótken kezdesýdiń qorytyndysy jóninde pikir almasty. Qasym-Jomart Toqaev jıynǵa qatysqany jáne mazmundy sóz sóılegeni úshin Shavkat Mırzıóevke rızashylyǵyn bildirdi.
Óz kezeginde Shavkat Mırzıóev atalǵan sharanyń ótkizilý deńgeıin joǵary baǵalap, kezdesýdi uıymdastyrǵany úshin Qazaqstan Prezıdentine alǵys aıtty. Sondaı-aq búgingi sharada aımaqtaǵy ózekti máseleler men olardy sheshý joldaryn talqylaýǵa jaqsy múmkindik bolǵanyn atap ótti.
Aldynda Aqorda rezıdensıasynda Qasym-Jomart Toqaev 26 qazanda Qazaqstanǵa resmı saparmen kelgen Eýropalyq Keńestiń prezıdenti Sharl Mıshelmen kelissózder ótkizgen bolatyn. Sondaı-aq olar BAQ ókilderine arnap brıfıń ótkizdi. Ortalyq Azıa memleketteriniń basshylary birlesken málimdeme jasady.